بنگلورو: سابق بھارتی بیٹر وریندر سہواگ نے بھی فخر زمان کی شاندار سنچری کی تعریف کردی۔
بنگلورو کے چناسوامی اسٹیڈیم میں کھیلے جارہے میچ میں نیوزی لینڈ نے پہلے بیٹنگ کرتے ہوئے مقررہ اوورز میں 6 وکٹوں کے نقصان پر 401 رنز بنائے اور پاکستان کو 402 رنز کا ہدف دیا تاہم بارش کے باعث میچ 41 اوورز تک محدود کردیا گیا اور پاکستان کو جیت کے لیے 93 گیندوں پر مزید 142 رنز درکار ہیں۔
بارش کے باعث میچ ایک بار پھر روک دیا گیا ہے اور پاکستان ڈی ایل ایس میتھڈ کے تحت 21 رنز آگے ہیں اگر میچ شروع نہیں ہوا تو پاکستان کیویز کے خلاف کامیابی حاصل کرلے گا۔
پاکستان کی جانب سے فخر زمان نے شاندار سنچری اسکور کی وہ 81 گیندوں پر 126 رنز کے ساتھ کریز پر موجود ہیں، فخر نے 8 چوکے اور 11 بلند و بالا چھکے مارے ہیں۔
سابق بھارتی بیٹر وریندر سہواگ نے بھی فخر زمان کی سنچری کی تعریف کرتے ہوئے لکھا کہ ’فخر زمان نے کیا اننگز کھیلی ہے، پاکستان کے اب تک کے بہترین بلے باز ہیں، کن دماغوں نے انہیں ٹورنامنٹ میں بینچ پر رکھا، خدا جانے۔
وریندر سہواگ نے لکھا کہ ’پروٹین کی بھی کمی نہیں، جذبے کی بھی۔‘
What an innings by Fakhar Zaman, by far Pakistan’s best batter. Which brains kept him on the bench for the best part of the tournament, God knows.
Protein ki bhi kami nahin, jajbe ki bhi . #NZvsPak pic.twitter.com/t6GdvKRjJ5— Virender Sehwag (@virendersehwag) November 4, 2023