The news is by your side.

فخر زمان نے شاداب خان کی سوتے ہوئے تصویر شیئر کردی

پاکستان کرکٹ ٹیم کے بلے باز فخر زمان نے آل راؤنڈر شاداب خان کی سوتے ہوئے تصویر سوشل میڈیا پر شیئر کر دی۔

شاداب خان آج اپنی 24ویں سالگرہ منا رہے ہیں۔ قومی کھلاڑیوں اور مداحوں کی جانب سے انہیں سالگرہ کی مبارکباد دینے کا سلسلہ برقرار ہے۔

فخر زمان نے سالگرہ کی مبارکباد دینے کے لیے انوکھا انداز اپنایا اور آل راؤنڈر کی گاڑی کی پچھلی نشست پر سونے کی تصویر ٹوئٹر پر پوسٹ کی۔

بلے باز نے کیپشن میں لکھا: ’سالگرہ مبارک ہو شاداب بھائی۔ امید کرتا ہوں کہ آپ کی تھکان اتر گئی ہوں گی‘۔

شاداب خان نے اس کے ردعمل میں ٹوئٹ کیا: ’جی فخر چچا۔ کوئی اور تصویر نہیں ملی‘۔

فخر زمان کی پوسٹ پر کرکٹر رومان رئیس نے لکھا کہ گاڑی میں ایک اور بندہ بھی سو رہا تھا، اس کو تصویر میں کاٹ دیا آپ نے۔

فخر زمان نے جواب میں لکھا: ’وہ تصویر ان کی سالگرہ پر بھیجوں گا‘۔

Comments

یہ بھی پڑھیں