معروف اداکارہ سارہ خان نے شوہر فلک شبیر کی خواہش پوری کرتے ہوئے ان کے گانے میں کام کرلیا، گانا ریلیز ہوتے ہی ایک روز میں اسے 10 لاکھ سے زائد افراد دیکھ چکے ہیں۔
کچھ عرصہ قبل سارہ خان اور گلوکار فلک شبیر کا شعیب ملک اور ثانیہ مرزا کو دیا گیا ایک انٹرویو وائرل ہوا تھا جس میں فلک نے بتایا تھا کہ انہوں نے اپنے ایک گانے میں بطور ماڈل کام کرنے کے لیے سارہ سے درخواست کی تھی لیکن سارہ نے منع کردیا۔
سارہ کا کہنا تھا کہ اس گانے میں انہیں ڈانس کرنا تھا، لیکن وہ بہت شرمیلی ہیں اور بند کمرے میں بھی ڈانس نہیں کرسکتیں، لہٰذا انہوں نے انکار کردیا تھا۔
View this post on Instagram
تاہم اب سارہ نے فلک کی خواہش پوری کردی ہے اور ان کے نئے گانے میں بطور ماڈل جلوہ گر ہوئی ہیں۔
فلم شبیر کا نیا گانا پیار دا سہارا ایک روز قبل ریلیز کیا گیا جسے ریلیز ہوتے ہی 10 لاکھ سے زائد افراد دیکھ چکے ہیں۔
سارہ نے اس گانے میں ڈانس کیے بغیر ہی اپنا جلوہ دکھایا ہے، گانے سے ایک تصویر انہوں نے سماجی رابطے کی ویب سائٹ انسٹاگرام پر بھی شیئر کی جسے مداح بہت پسند کر رہے ہیں۔
View this post on Instagram
گانے کی ریلیز سے قبل فلک شبیر نے بھی اپنے انسٹاگرام پر مداحوں کو نئے گانے کے ریلیز کی اطلاع دی۔
View this post on Instagram
یاد رہے کہ سارہ خان اور فلک شبیر جولائی 2020 میں رشتہ ازدواج میں منسلک ہوئے تھے اور 2021 میں ان کے یہاں بیٹی کی پیدائش ہوئی تھی جس کا نام عالیانہ رکھا گیا تھا۔