کیلیفورنیا: امریکی شہر فالبروک میں ایک 3 سالہ لڑکے نے اپنی 1 سالہ بہن کو گولی مار دی۔
امریکی میڈیا رپورٹس کے مطابق ریاست کیلیفورنیا کے شہر فالبروک میں غلطی سے تین سالہ بھائی نے ایک سالہ معصوم بہن کو سر میں گولی مار دی، جو اس کے لیے جان لیوا ثابت ہو گئی۔
مقامی پولیس حکام نے میڈیا کو بتایا کہ فائرنگ کا یہ واقعہ پیر کو صبح سویرے ریچے روڈ کے قریب اسٹیجکوچ لین پر واقع ایک گھر میں پیش آیا، یہ واضح نہیں ہو سکا کہ واقعے کے وقت والدین کہاں تھے، تاہم واقعے کے بعد پولیس کو کال والدین میں سے کسی نے کی تھی۔
سانڈیاگو کاؤنٹی کے شیرف کے مطابق تین سالہ بچے کے ہاتھ ہینڈ گن لگ گئی تھی جو غیر محفوظ تھی، کھیلنے کے دوران گولی چل گئی جو بچی کے سر میں لگی، جسے فوری طور پر اسپتال پہنچایا گیا تاہم دوران علاج ایک گھنٹے کے بعد وہ ہلاک ہو گئی۔
When law enforcement arrived on scene, they found the 1-year-old with a head injury. https://t.co/neEoJWQc8b
— fox8news (@fox8news) July 19, 2023
پولیس حکام کا کہنا تھا کہ فائرنگ کے سلسلے میں کسی کو گرفتار نہیں کیا گیا ہے، تاہم بچے کی موت کی وجہ اور طریقہ کار کا تعین کرنے کے لیے اس کا پوسٹ مارٹم کیا جائے گا۔