مودی سرکار کی ایک اور بھونڈی ویڈیو سامنے آگئی، بھارتی صحافی نے ویڈیو یہ دکھانے کی کوشش کی کیسے جانفشانی سے ان کے فوجی عسکریت پسندوں سے لڑتے ہوئے زخمی ہورہے ہیں۔
تفصیلات کے مطابق دہشت گردوں کے خلاف جھڑپ میں مودی کے ایک اور جھوٹ کا بھانڈا پھوٹ گیا، مودی سرکار کے زہریلے پروپیگنڈے نے بھارتی فوج اور صحافتی شعبے کو اپنی لپیٹ میں لے لیا ہے۔
بھارتی صحافی مودی کی متعین کردہ جھوٹی روش پر چل کر صحافتی تقاضوں کی پامالی کرنے لگے ، حال ہی میں بھارتی میڈیا پر بھارتی فوجیوں کی دہشت گردوں کے ساتھ مڈبھیڑ دکھائی گئی۔
سری نگر کو ہمیشہ مودی نے الیکشن قریب آنے پر مہرے کے طور پر استعمال کیا ، فالس فلیگ آپریشن کے ذریعے مودی سرکار کی جگ ہنسائی کو ایک ہفتہ ہی گزرا تھا کہ مودی سرکار کی ایک اور بھونڈی ویڈیو سامنے آگئی۔
بھارتی صحافی نے ویڈیوکوریج میں یہ دکھانے کی کوشش کی کہ سری نگر میں چند دہشت گردوں کیساتھ بھارتی فورسز کا فائرنگ کاتبادلہ ہوا ، جس کے بعد صحافی نے صورتحال کو ڈرامائی رخ دیتے ہوئے بتایا کہ کس جانفشانی سے ان کے فوجی عسکریت پسندوں سے لڑتے ہوئے زخمی ہورہے ہیں۔
بھارتی فوج نے تعریفوں کے جھوٹے پل باندھتے ہوئے اپنی فورسزکی کارروائیوں کو بڑھاچڑھا کرپیش کیا ، ویڈیو مکمل جھوٹ پرمبنی ہے، جس میں واضح طور پر دیکھا جا سکتا ہے کہ صحافی کے بیانات کے برعکس وہاں صورتحال معمول کے مطابق ہے۔
ویڈیو سے مودی سرکار کا گھٹیاپن مزید کھل کر سامنے آگیا کیونکہ کوئی بھی کارروائی اتنے اطمینان سے نہیں کی جا سکتی۔
