نئی دہلی: سماجی رابطوں کی ویب سائٹ ٹوئٹر پر ایک صارف نے بالی ووڈ بادشاہ شاہ رخ خان کو ان کے خلاف ایف آئی آر درج کرانے کی دھمکی دے دی۔
تفصیلات کے مطابق بالی ووڈ اداکار شاہ رخ خان نے پیر کے روز ٹوئٹر پر اپنے مداحوں کے ساتھ سوالات پوچھنے پر مبنی ایک اور #AskSRK سیشن کیا، جس میں مداحوں نے ان پر سوالات کی بوچھاڑ کر دی۔
ایک مداح نے لکھا ’’شاہ رخ خان صاحب، ایف آئی آر فائل کر رہا ہوں آپ کے خلاف، کہ یہ بندہ جھوٹ بولتا ہے کہ یہ 57 سال کا ہے۔‘‘ شاہ رخ نے اس پر جواب میں لکھا ’’پلیز مت کرو یار۔ ٹھیک ہے میں ہی مان جاتا ہوں کہ میں 30 سال کا ہوں۔ میں نے اب آپ کو سچ بتا دیا ہے، اور میری اگلی فلم کا نام بھی جوان ہے۔‘‘
Please mat karo yaar. Theek hai main hi maan jaata hoon I am 30 years old. There I have now told you the truth..and that’s why, even my next film is called Jawan https://t.co/rIH1lnsAWm
— Shah Rukh Khan (@iamsrk) February 20, 2023
ایک مداح نے پوچھا: ’’لیجنڈری اداکار عرفان خان صاحب نے ایک بار کہا تھا کہ ’ہالی ووڈ میں کوئی شاہ رخ خان نہیں‘ آپ کا اس پر کیا کہنا ہے؟‘‘ سپر اسٹار نے جواب دیا: ’’میں اسے مِس کرتا ہوں، وہ ایک پیارا دوست تھا۔‘‘
I miss him he was a dear friend… https://t.co/ZKquVHcyLK
— Shah Rukh Khan (@iamsrk) February 20, 2023
ایک اور مداح نے کہا ’’خان صاحب، کپل شرما کے لیے دو لفظ بول دو۔‘‘ شاہ رخ نے جواب میں کہا ’’لو یو، جلد ہی واپس آتا ہوں۔‘‘
Love you right back my man https://t.co/nE1OM6QrHj
— Shah Rukh Khan (@iamsrk) February 20, 2023
دنیا بھر میں ریکارڈ توڑنے والی فلم پٹھان کے حوالے سے ایک مداح نے پوچھا: ’’ایسا کیوں لگتا ہے جیسے آپ کی کامیابی ہماری کامیابی ہو؟ صبح اٹھ کر ٹوئٹر کھول کر پٹھان کا کلیکشن دیکھنا اب عادت سی ہوئی گئی ہے، اس کا کیا کیا جائے؟‘‘ شاہ رخ نے جواب دیا: ’’یہ آپ سب کی مہربانی ہے، پٹھان نے بہت سے لوگوں کو خوش کر دیا ہے، اور اس نے مجھے بے انتہا خوشی دی ہے۔‘‘
That’s very kind of you all. #Pathaan has made many people happy and that makes me the happiest. https://t.co/k73zMZoAcC
— Shah Rukh Khan (@iamsrk) February 20, 2023
