نئی دہلی: بالی ووڈ کے سپر اسٹار سلمان خان کی 57 ویں سالگرہ کے موقع پر انہیں دیکھنے کے لیے جمع ہونے والے مداحوں کے ہجوم پر پولیس نے لاٹھیاں برسا دیں۔
بھارتی میڈیا کے مطابق سلمان خان کی سالگرہ پر ہر سال کی طرح اس سال بھی ہزاروں افراد ممبئی میں ان کی رہائش گاہ کے باہر جمع ہوگئے جو اپنے پسندیدہ اداکار کو دیکھنا چاہتے تھے۔
لوگ مختلف انداز سے سلمان خان کو ان کی سالگرہ کی مبارکباد دینے آئے تھے۔
اس موقع پر سلمان اور ان کے والد سلیم خان بالکونی میں آئے اور مداحوں کا شکریہ ادا کیا، سلمان نے اپنے فینز کی طرف دیکھ کر ہاتھ بھی ہلایا۔
View this post on Instagram
انہیں دیکھ کر لوگ پرجوش ہوگئے اور نعرے لگانے شروع کردیے، اس موقع پر بدنظمی اور دھکم پیل بھی شروع ہوگئی جسے سنبھالنے میں پولیس کی بھاری نفری بھی ناکام رہی۔
سلمان خان کے منظر سے ہٹتے ہی پولیس نے ہجوم پر لاٹھیاں برسانا شروع کردیں۔
View this post on Instagram
ان مناظر کی ویڈیو کچھ سوشل میڈیا انفلوئنسرز نے بھی پوسٹ کی۔
دوسری جانب زندگی کی 57 بہاریں دیکھنے والے اور بالی ووڈ انڈسٹری میں بے حد اثر و رسوخ رکھنے والے سلمان خان نے سماجی رابطے کی ویب سائٹ انسٹاگرام پر مداحوں کی تصویر پوسٹ کرتے ہوئے ان کا شکریہ ادا کیا۔
View this post on Instagram
