The news is by your side.

Advertisement

فرحان سعید نے عمر شریف کے ساتھ یادگار تصویر شیئر کردی

کراچی: گلوکار و اداکار فرحان سعید نے عمر شریف کے ساتھ یادگار تصویر شیئر کردی۔

گلوکار و اداکار فرحان سعید نے عمر شریف کی تدفین کے بعد سماجی رابطے کی ویب سائٹ ٹویٹر پر اپنے پیغام میں لکھا کہ ’عہد عمر شریف اپنے اختتام کو پہنچ گیا۔‘

انہوں نے لکھا کہ ’پاکستان کے کامیڈی کنگ کا سنہری دور اپنے اختتام کو پہنچ گیا، عمر شریف کے لیے بہت سی دعائیں۔‘

فرحان سعید نے لکھا کہ عمر شریف کا کیریئر ہمارے لیے ہمیشہ متاثر کن رہے گا۔

اس سے قبل فرحان سعید نے انسٹاگرام پر عمر شریف کے ہمراہ یادگار تصویر بھی شیئر کی۔

واضح رہے کہ کامیڈی کے بےتاج بادشاہ عمر شریف کو عبداللہ شاہ غازیؒ مزار کے احاطے میں سپرد خاک کردیا گیا۔

مولانا بشیر فاروقی نے عمرشریف کی نماز جنازہ پڑھائی، سیاسی اور سماجی شخصیات سمیت مختلف شعبوں سے تعلق رکھنے والوں نے شرکت کی۔

خیال رہے کہ دو اکتوبر کو عمر شریف طویل علالت کے بعد جرمنی کے اسپتال میں 66برس کی عمر میں انتقال کرگئے تھے، لیجنڈری اداکار و کامیڈین عمر شریف کافی عرصے سے عارضہ قلب، گردے اور دیگر مختلف بیماریوں میں مبتلا تھے۔

Comments

یہ بھی پڑھیں