پاکستانی ڈرامہ انڈسٹری کی اداکارہ فاریہ حسن کی والدہ انتقال کرگئیں۔
اداکارہ نے سماجی رابطے اور فوٹو ویڈیو شیئرنگ پلیٹ فارم انسٹاگرام کی ایک پوسٹ کے ذریعے اپنی والدہ کے انتقال کی تصدیق کی اور مداحوں سے اپیل کی کہ وہ اُن کے لیے پڑھ کر ایصال ثواب کریں۔
فاریہ حسن نے اپنی والدہ کی مغفرت اور بلند درجات کے لیے دعا کی اور سب سے درخواست کی کہ وہ بھی والدہ کے لےی دعائیں کریں۔
اداکارہ کی اس پوسٹ پر مداحوں نے اُن کے ساتھ تعزیت کی اور صبر کی تلقین بھی کی۔ انسٹاگرام صارفین نے والدہ کی موت کو سب سے بڑا دکھ قرار دیتے ہوئے اُن کے بلند درجات اور مغفرت کی دعا بھی کی۔
View this post on Instagram
صارفین نے اہل خانہ کے صبر کے لیے بھی دعا کی۔
مزید پڑھیں: پاکستان ٹیلی ویژن کی پہلی خاتون میزبان انتقال کرگئیں
یہ بھی پڑھیں: معروف ڈرامہ نویس حسینہ معین 79 برس کی عمر میں انتقال کرگئیں
واضح رہے کہ آج یعنی 26 مارچ کا دن پاکستانی شوبز انڈسٹری کے لیے بہت زیادہ تکلیف دہ ثابت ہوا کیونکہ رات گئے پاکستان ٹیلی ویژن (پی ٹی وی) کی پہلی خاتون اناؤنسر کنول نصیر کے انتقال کی خبر سامنے آئی اور پھر چند گھنٹوں کے بعد پاکستانی شوبز انڈسٹری کی مشہور ڈرامہ نویس و کالم نگار حسینہ معین کے انتقال کی خبر سامنے آئی۔
