کراچی : اداکارہ فریال محمود اور دانیال راحیل کی شادی سے متعلق سوشل میڈیا پر پھیلنے والی افواہوں پر اداکارہ نے خاموشی توڑ دی ان کا کہنا ہے کہ لوگوں کو میری شادی چھوڑ کر اپنے مسائل کی فکر کرنی چاہیے۔
ٹیلی ویژن کی معروف اداکارہ فریال محمود اور دانیال راحیل کی شادی کے7 ماہ بعد علیحدگی کی خبریں سوشل میڈیا پر وائرل ہورہی تھیں جس کے جواب میں فریال محمود نے افواہیں پھیلانے والوں کو کھری کھری سنادیں۔
فوٹو شیئرنگ ایپ انسٹاگرام پر اپنی پوسٹ میں انہوں نے اس بات پر برہم ہوکر ناقدین کو سخت جواب دیا ہے ان کا کہنا ہے کہ کچھ لوگوں کو پتہ نہیں کیا مسئلہ جو میرے تصویر لگانے یا نہ لگانے پر اعتراض کرتے ہیں یا دیگر قیاس آرائیاں کرتے ہیں۔
اداکارہ فریال محمود نے طلاق سے متعلق افواہوں پر سخت ردِ عمل کا اظہار کیا انہوں نے اپنے انسٹاگرام پر اسٹوری شیئر کی جس میں انہوں نے لکھا کہ میں سوشل میڈیا پر متعدد پوسٹس دیکھ رہی ہوں جس میں یہ دعویٰ کیا جارہا ہے کہ میری طلاق ہوگئی ہے۔
اداکارہ فریال محمود نے لکھا کہ مصروفیت کی وجہ سے میں اور دانیال ایک ساتھ وقت نہیں گزار پا رہے اور روزانہ انسٹاگرام پر اپنے شوہر کے تصاویر پوسٹ نہ کرنے کا یہ مطلب ہرگز نہیں ہے کہ ہماری طلاق ہو گئی ہے۔
انہوں نے کہا کہ ہم ایک دوسرے کے ساتھ وقت گزارنے کو ترجیح دیتے ہیں، بجائے اس کے کہ آپ کو یقین دلائیں کہ ہماری شادی اچھی چل رہی ہے۔
انہوں نے جھوٹی خبروں پر برہمی کا اظہار کرتے ہوئے مزید کہا کہ میں چاہتی ہوں کہ آپ لوگ میری شادی کو مجھ پر اور میرے شوہر پر چھوڑ کر اپنی زندگی کے مسائل کی فکر کریں۔
اس حوالے سے اے آر وائی نیوز کے پروگرام باخبر سویرا میں گفتگو کرتے ہوئے ٹیلی وژن کے معروف اداکار ساجد حسن نے کہا کہ معاشرے میں دوسروں کی ذاتی مسائل اور نجی زندگی پر باتیں بنانا بہت پرانا وطیرہ ہے لیکن انسان کو اپنے رشتوں پر یقین ہونا چاہیے ان چھوٹی چھوٹی باتوں سے فرق نہ پڑتا۔
