The news is by your side.

Advertisement

فاسٹ 8: برسوں کے دوست آپس میں مدمقابل

ہالی ووڈ کی مشہور فلم فرنچائز فاسٹ اینڈ فیورس کے آٹھویں حصہ فاسٹ 8 ۔ دی فیٹ آف دی فیوریس کا ٹریلر ریلیز کردیا گیا ہے۔ پچھلے ساتوں حصوں میں ایک دوسرے کے لیے جانوں پر کھیل جانے والے دوست اب آپس میں ہی صف آرا نظر آرہے ہیں۔

فاسٹ 8 کے کرداروں میں نیا اضافہ آسکر ایوارڈ یافتہ چارلیز تھیرون کا ہے جو نہ صرف فلم بینوں بلکہ فلم کے کرداروں کے لیے بھی اجنبی ہے۔

fast-4

یہ اجنبی حسینہ نہ صرف ڈوم (ون ڈیزل) کو واپس جرائم کی دنیا میں لے کر آتی ہے بلکہ اسے اس کے اپنے ہی دوستوں کے خلاف لڑنے پر مجبور کردیتی ہے جنہیں وہ اپنا خاندان مانتا ہے۔

فلم میں ہمیشہ کی طرح تحیر العقل ایکشن پر مبنی مناظر اور اسٹنٹس دکھائے گئے ہیں۔

fast-5

fast-3

گزشتہ حصے فیورس 7 کا ولن آئن شا (جیسن اسٹیتھم) بھی تاحال جیل میں ہے، لیکن اس بار پولیس آفیسر ہوبز (ڈوائن جانسن) کو بھی جیل میں دکھایا گیا ہے اور یہ دونوں جیل میں ہی آپس میں گتھم گتھا نظر آرہے ہیں۔

fast-6

فاسٹ اینڈ فیورس فلم فرنچائز کا آغاز سنہ 2001 سے کیا گیا تھا جس کے بعد ہر نیا حصہ پہلے سے بہترین اور مداحوں کو دنگ کردینے والا ہوتا ہے۔ سنہ 2013 میں فلم کے کرداروں میں سے ایک پال واکر کی ناگہانی موت نے نہ صرف دنیا بھر میں اس کے مداحوں بلکہ فلم کی شوٹنگ کو بھی دھچکہ پہنچایا تھا۔

فیورس 7 کی بقیہ شوٹنگ پال واکر کی موت کے بعد ان کے بھائیوں کی مدد سے پوری کی گئی۔

فلم کا ٹریلر ریلیزہوتے ہی سماجی رابطوں کی ویب سائٹ ٹوئٹر پر ٹریلر کے بارے مختلف آرا کا سلسلہ شروع ہوگیا۔

کچھ صارفین نے اس موقع پر فلم میں پال واکر کی کمی محسوس کی۔

فاسٹ 8 اگلے برس 14 اپریل کو نمائش کے لیے پیش کردی جائے گی۔

Print Friendly, PDF & Email

Comments

comments

یہ بھی پڑھیں