The news is by your side.

Advertisement

7 دن کی بیٹی کو گولیاں مار کر بے دردی سے قتل کرنے والا باپ گرفتار

میانوالی : پولیس نے 7 دن کی بیٹی کو بے دردی سے قتل کرنے والے باپ کوبھکر سے گرفتار کرلیا ، وزیراعلیٰ اور آئی جی پنجاب نے ملزم کی جلد گرفتاری کا حکم دیا تھا۔

تفصیلات کے مطابق پنجاب کے ضلع میانوالی میں 7 روز کی معصوم بیٹی کو قتل کرنے والے قاتل باپ کو گرفتار کرلیا گیا۔

ڈی پی او نے بتایا کہ ملزم کو جدید ٹیکنالوجی کی مدد سے بھکر سے گرفتار کیاگیا، وزیراعلیٰ اور آئی جی پنجاب نے ملزم کی جلد گرفتاری کا حکم دیا تھا، جس کے بعد ملزم کی گرفتاری کے لیے 3 ٹیمیں تشکیل دی گئی تھیں۔

یاد رہے 3 روز قبل میانوالی میں سفاک باپ نے نومولود کو فائرنگ کر قتل کر دیا تھا ، سوشل میڈیا پر زیرِگردش خبروں کے مطابق میانوالی میں شاہ زیب نامی شخص نے اپنی 7 روز کی بیٹی کو محض اس لیے گولیاں مار دیں کہ اس کی پہلی اولاد بیٹے کی بجائے بیٹی تھی۔

صارفین نے ننھی پری کی تصاویر شیئر کیں تھیں ، جس میں معصوم جان کو بے ردری سے 5 گولیاں مار کر ابدی نیند سلا دیا گیا تھا۔

Comments

یہ بھی پڑھیں