امریکا میں دہائیوں پرانا گرینیڈ اچانک زوردار دھماکے سے پھٹ گیا جس کے نتیجے میں ایک شخص ہلاک اور دو زخمی ہو گئے۔
امریکی میڈیا رپورٹس کے مطابق واقعہ ریاست انڈیانا میں پیش آیا جہاں گھر کی صفائی کے دوران سالوں پرانا دستی بم پھٹ گیا۔
ہلاک ہونے والے شخص کی شناخت لیک کاؤنٹی کورونر آفس نے برائن نیڈرٹ کے نام سے کی ہے۔
لیک کاؤنٹی شیرف کا کہنا ہے کہ لیکس آف فور سیزنز میں نیدرٹ اور اس کی 18 سالہ بیٹی اور 14 سالہ بیٹا دادا کے سامان کو جانچ کر رہے تھے کہ اس میں پڑا دستی بم ان کے ہاتھ لگ گیا اور کسی نے پن کھینچ دی۔
گرینیڈ پھٹنے سے زوردار دھماکا ہوا جس کے نتیجے میں باپ موقع پر ہی دم توڑ گیا جب کہ بیٹا اور بیٹی کو زخمی حالت میں اسپتال منتقل کیا گیا۔
اطلاع ملنے پر بم ڈسپوذل اسکواڈ کو طلب کر کے سرچنگ کی گئی اور علاقے کو سیل کر کے آمد و رفت روک دی گئی۔ شیرف کا کہنا ہے کہ علاقے میں مزید دھماکا خیز مواد یا ایسی ڈیوائسز ہوسکتی ہیں جن سے دھماکے ہوسکتے ہیں۔
