The news is by your side.

Advertisement

کراچی سے اغوا ہونے والی 14 سالہ بچی کے والد کا تاوان کی کال ملنے کا انکشاف

کراچی: الفلاح کے علاقے سے اغوا ہونے والی 14سالہ بچی کے والد نے تاوان کی کال ملنےکاانکشاف کردیا اور کہا میری کسی سے کوئی بھی دشمنی نہیں۔

تفصیلات کے مطابق کراچی کے علاقے الفلاح تھانے کی حدود سے 14سال کی دعا زہرہ کے لاپتہ ہونے کے معاملے پر اینٹی وائلنٹ کرائم سیل کی تفتیشی ٹیم نے فیملی سے رابطہ کیا اور ایس ایس پی اے وی سی سی نے لاپتہ بچی کے والد سے ملاقات کی۔

جس میں زبیر نذیر شیخ نے بتایا کہ اے وی سی سی نے 3ٹیمیں تشکیل دے دی ہیں، ٹیمیں سی سی ٹی وی ،روڈمیپ پرکام کررہی ہیں اور گھر کے اطراف علاقے کی سی سی ٹی وی فوٹیج حاصل کرلی گئی ہیں۔

ایس ایس پی کا کہنا تھا کہ بچی کی بازیابی کے لیے پوری کوشش کر ررہےہیں، متاثرہ فیملی کیساتھ رابطہ میں ہیں، پولیس مشکل وقت میں متاثرہ فیملی کیساتھ کھڑی ہے، لڑکی کے اغوا کا مقدمہ الفلاح تھانے میں درج کیاگیا تھا۔

بچی کے والد نے تاوان کی کال ملنے کا انکشاف کرتے ہوئے کہا مجھے دو نمبروں سےتاوان کیلئے کالیں موصول ہوئی ہیں، ایک موبائل نمبر سے اور ایک واٹس ایپ نمبر سے کال کی گئی۔

والد نے بیان میں بتایا کہ میں نےپولیس کو دونوں نمبروں سمیت تمام تفصیلات فراہم کردی ہیں ، میری کسی سے کوئی بھی دشمنی نہیں، میری بیٹی ڈیڑھ سال سے اسکول بھی نہیں گئی تھی۔

یاد رہے گذشتہ روز کراچی کے علاقے الفلاح گولڈن ٹاؤن سے چودہ سال کی لڑکی لاپتہ ہوگئی تھی ، اہلخانہ نے دعویٰ کیا تھا کہ ساتویں کلاس کی دعا نامی طالبہ کو اغوا کیا گیا۔

پولیس کا کہنا تھا گھر سے کچرا پھینکنے نکلی تھی پھرواپس نہیں آئی تاہم مقدمہ درج کرلیا گیا ہے اور واقعے کی مختلف پہلوؤں سے تفتیش جاری ہے۔

Comments

یہ بھی پڑھیں