روم: اٹلی میں فلائٹ چھوٹ جانے پر باپ بیٹے نے رن وے پر دوڑ لگادی، باپ بیٹے چھٹیاں گزارنے کے لیے اٹلی کے سردینیا آئس لینڈ پہنچے تھے۔
غیرملکی خبررساں ادارے کے مطابق اٹلی میں فلائٹ چھوٹ جانے پر 65 سالہ انتونیو لوئی اور ان کے بیٹے 40 سالہ ٹونی لوئی نے رن وے پر دوڑ لگادی، ایئرپورٹ پولیس نے باپ بیٹے کو پکڑ کر 2000 یورو کا جرمانہ کردیا۔
رپورٹ کے مطابق دونوں باپ بیٹے کیگلیاری ایئرپورٹ پر موجود تھے جب انہیں احساس ہوا کہ جیٹ فلائٹ کے لیے یہ آخری کال ہے اور انہیں گھر واپس پہنچنا ہے۔
انتونیو لوئی اور ان کے بیٹے ٹونی لوئی اٹلی کے آئس لینڈ پر چھٹیاں گزارنے پہنچے تھے، دونوں نے جبری طور پر دروازہ کھول دیا اور روانہ ہوائی جہاز کا پیچھا کرنا شروع کردیا۔
ایرئپورٹ پر سیکیورٹی اہلکاروں نے خطرہ محسوس کرتے ہوئے الارم بجادئیے اور بعد میں انہیں گولی مارنے کا حکم دیا بعدازاں پولیس نے انہیں حراست میں لے کر بھاری جرمانہ عائد کردیا۔
ٹونی لوئی کا کہنا تھا کہ ہم عام طور پر پہلی منزل کے کسی گیٹ پر سوار ہوتے ہیں اسی لیے ہم بیٹھے لیکن وہ وہ نیچے سے سوار ہوگئے، میرے کانوں میں ہیڈ فون لگا تھا میں کچھ سن نہ سکا۔
ٹونی کا کہنا تھا کہ یہ واقعہ میرے لیے مضحکہ خیز اور احمقانہ ہے، میں سوچ رہا تھا کہ ہوائی جہاز کی سیڑھیاں اب بھی کھلی ہوئی ہیں۔
ٹونی کا مزید کہنا تھا کہ ہم کرمنل نہیں ہیں اور نہ ہی ہم نے کوئی نشہ کیا ہے، ہم پر جو جرمانہ عائد کیا گیا ہے اس کو چیلنج کرنے کا ارادہ رکھتے ہیں۔
