جہلم : پرانی دشمنی پر باپ بیٹے کو موت کے گھاٹ اتار دیا گیا، پولیس نے قتل کے ملزم فیصل پہلوان کو گرفتارکرلیا۔
تفصیلات کے مطابق جہلم کی غلہ منڈی میں کریانہ اسٹور پر ملزمان نے اندھا دھند فائرنگ کردی ، جس کے نتیجے میں باپ بیٹے جاں بحق اور 2 افراد زخمی ہوگئے۔
پولیس کا کہنا ہے کہ جاں بحق افراداورزخمیوں کو ڈسٹرکٹ ہیڈکوارٹراسپتال منتقل کر دیاگیا ہے، فائرنگ کاواقعہ پرانی دشمنی کا شاخسانہ ہے۔
پولیس نے بتایا کہ ملزم فیصل عرف پہلوان نے ناصر محمود اور محمد یامین کو قتل کیا جبکہ احسان نامی زخمی کوتشویشناک حالت میں راولپنڈی اسپتال منتقل کردیا گیا ہے۔
ملزم نے باپ بیٹے کو غلہ منڈی میں دکان پر نشانہ بنایا جبکہ احسان کو محلہ سیلمان پارس میں گھر جا کرنشانہ بنایا، واقعہ پرانی دشمنی کاشاخسانہ ہے۔
دہرے قتل کا ملزم فیصل عرف پہلوان واردات کےبعد فرار ہوگیا تھا تاہم ایلیٹ فورس سوہاوہ نے قتل کے ملزم فیصل پہلوان کو گرفتارکرلیا ، گرفتارملزم کو مزید تفتیش کیلئےتھانہ سٹی جہلم منتقل کیا جائے گا۔
