کراچی: سابق قومی کرکٹرز سمیت دُنیائے کرکٹ کے نامور کھلاڑی فواد عالم کی کراچی ٹیسٹ میں کھیلی جانے والی سنچری اننگز کے گرویدہ ہوگئے۔
تفصیلات کے مطابق سابق اسپیڈ اسٹار شعیب اختر نے فواد عالم کی بیٹنگ کی تعریف کرتے ہوئے کہا کہ فواد عالم کو اپنی بیٹنگ کا پتا ہے کہ انہیں کس طرح کھیلنا ہے، آج سنچری اسکور کرکے انہوں نے اپنا انتخاب درست ثابت کردیا۔
شعیب اختر نے مزاحیہ انداز میں کہا کہ مونچھیں بڑی ہوں اور رویہ بھی ایسا ہو تو اچھی کارکردگی ہوتی ہے تو یہ کہنا پڑے گا کہ مونچھیں ہوں تو فواد عالم جیسی ہوں ورنہ نہ ہوں۔
سابق اسپیڈ اسٹار نے مزید کہا کہ فواد عالم اننگز دیکھ کر بہت مزہ آیا، پاکستان نے کم بیک کیا ہے۔
واضح رہے کہ اس سے قبل ٹویٹر پر شعیب اختر نے فواد عالم کی بیٹنگ کی تعریف کرتے ہوئے یہ سوال بھی اٹھایا تھا کہ فواد عالم کے جو اتنے برس ضائع ہوئے اس کا ذمہ دار کون ہے؟
Another 100 by @iamfawadalam25. So I'd like to know who will be answerable for not selecting him all these years?
Great determination! #FawadAlam
— Shoaib Akhtar (@shoaib100mph) January 27, 2021
دوسری جانب فواد عالم کی سنچری دیکھ کر سابق ویسٹ انڈین فاسٹ بولر این بشپ بھی متاثر ہوگئے۔
این بشپ نے اپنے ٹویٹ میں کہا کہ فواد عالم کو اس طرح کھیلتا دیکھ کر بہت خوشی ہورہی ہے، ان کے دس سال واپس نہیں آسکتے لیکن ہم ان کی بہترین کارکردگی کا جشن ضرور منا سکتے ہیں۔
What a gratifying story. Every time I see Fawad Alam score runs, my heart rejoices. 10 years denied him will never be returned, but all we can do is celebrate these apogee moments with him. Well played; #Fawadever👏👏👏.
— Ian bishop (@irbishi) January 27, 2021
پاکستان کرکٹ ٹیم کے سابق کپتان محمد حفیظ اور شاداب خان کے ساتھ ساتھ وکٹ کیپر بیٹسمین کامران اکمل نے بھی فواد عالم کی بیٹنگ کی تعریف کرتے ہوئے کہا کہ پاکستان نے فواد عالم، اظہر علی اور فہیم اشرف کی عمدہ بیٹنگ کے سبب شاندار کم بیک کیا ہے۔
Congratulations @iamfawadalam25 on ur 3rd Test 💯. Hope concerned ppl wil start considering RESILIENCE as one of the important TALENT required at international level other than Batting & Bowling. Stay strong 💪🏼 & keep Rocking pic.twitter.com/u3gJZ7VkFD
— Mohammad Hafeez (@MHafeez22) January 27, 2021
یاد رہے کہ کراچی ٹیسٹ کے دوسرے روز فواد عالم نے جنوبی افریقہ کے خلاف شاندار سنچری اسکور کی تھی، ان کی 109 رنز کی اننگز میں 9 چوکے اور دو بلند و بالا چھکے شامل تھے۔
