لاہور: پاکستان تحریک انصاف نے موجودہ ملکی صورتحال پر چیف جسٹس سےاز خود نوٹس لینے کا مطالبہ کردیا ہے۔
تفصیلات کے مطابق سماجی رابطے کی ویب سائٹ ٹوئٹر پر جاری بیان میں فواد چوہدری نے کہا کہ چیف جسٹس سے گزارش ہے کہ عمران خان کی گرفتاری کے معاملات پر ازخود نوٹس لیں۔
چیف جسٹس پاکستان عمران خان کی گرفتاری کے معاملات پر از خود نوٹس لیں اور پولیس آپریشن روکا جائے
— Ch Fawad Hussain (@fawadchaudhry) March 14, 2023
انہوں نے مطالبہ کیا کہ چیئرمین پی ٹی آئی کی گرفتاری سے متعلق معاملے پر پولیس آپریشن کو فوری طور پر روکا جائے۔
اس سے قبل اے آر وائی نیوز کے پروگرام سوال یہ ہے کہ میں گفتگو کرتے ہوئے فواد چوہدری کا کہنا تھا کہ رانا ثنااللہ کھلےعام عمران خان کو دھمکیاں دے رہےہیں، آج بھی وفاقی وزیر نے عمران خان کو قتل کرنےکی دھمکی دی۔
پی ٹی آئی رہنما کا کہنا تھا کہ ایک طرف کہتے ہیں کہ الیکشن کیلئےہمارےپاس پولیس نہیں جبکہ زمان پارک میں پولیس لاؤلشکرلےکرپہنچ گئی، عمران خان کی گرفتاری کے لئے پولیس کو ہیلی کاپٹر بھی دے دئیے جاتے ہیں۔
یہ بھی پڑھیں: پولیس کا پی ٹی آئی رہنما عامر مغل کے گھر پر چھاپہ
انہوں نے پنجاب حکومت کو تنقید کا نشانہ بناتے ہوئے کہا کہ عمران خان کی گرفتاری کیلئے کروڑوں روپےخرچ کیےجارہےہیں، اور الیکشن کیلئےکہتے ہیں کہ ہمارےپاس فنڈزنہیں ہے۔
واضح رہے کہ زمان پارک میں پولیس کی جانب سے پاکستان تحریک انصاف کے چیئرمین عمران خان کو گرفتار کرنے کی کوششیں جاری ہیں، اس دوران زمان پارک کے باہر لگے کیمپ اکھاڑ دیئے گئے ہیں اور آنسو گیس کی شیلنگ کی جا رہی ہے۔
