اسلام آباد : پاکستان تحریک انصاف کے ترجمان فواد چودھری نے ریحام خان کو عائشہ گلالئی ٹو قرار دے دیا اور کہا ریحام خان کے پاس بلیک بیری ہے تو میڈیا کو دیں اور فرانزک کروائیں۔
تفصیلات کے مطابق پی ٹی آئی کے ترجمان فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ کہ عمران خان کے بلیک بیری کیا قبرمیں لے کر جانا ہے، ریحام خان کے پاس بلیک بیری ہے تو میڈیا کو دیں اور فرانزک کروائیں، ریحام خان عائشہ گلالئی پارٹ ٹو ہیں۔
کیا قبر میں لے کے جانی ہے، ؟ ہے تو میڈیا کو دے دو اور Forensic کرا لو گلا لائ پارٹ 2…… pic.twitter.com/F7A4Ofcczn
— Fawad Hussain (@fawadchaudhry) June 7, 2018
یاد رہے اس سے قبل بھی تحریک انصاف کےترجمان فواد چوہدری نے ریحام خان کی کتاب کے سلسلے میں پریس کانفرنس کرتے ہوئے کہا تھا کہ اس قسم کی کتاب انتخابات سے قبل دھاندلی میں شمار ہوتی ہے۔
فواد چوہدری نے ریحام خان سے مطالبہ کیا کہ وہ چوبیس گھنٹوں میں اس ایشو کی تردید کردیں بہ صورت دیگر جو کچھ کتاب میں لکھا گیا ہے وہ شدید ترین قانونی کارروائی کا متقاضی ہے، اس پر پرچا نہیں کرمنل کیسز ہونے ہیں، الیکشن کمیشن کو فوری اس کتاب کو بین کرنا چاہیے۔
مزید پڑھیں : الیکشن کمیشن ریحام خان کی کتاب پر فوری پابندی لگائے، ترجمان تحریک انصاف
ان کا کہنا تھا ریحام خان کی کتاب کا مواد بالکل گھٹیا، بکواس، واہیات اور پاکستان کی خاندانی روایات کے خلاف ہے،مشرقی تو کیا کوئی مغربی خاتون بھی ایسی کتاب اپنے بچوں کےساتھ نہیں لکھ سکتی، یہ رائیونڈ نیٹ ورک ہے، جس کو حسین حقانی کے ذریعہ اپ ڈیٹ کیا گیا،ریحام کا کوئی ذریعہ معاش نہیں لیکن شہزادیوں والی زندگی گزاررہی ہیں۔
