The news is by your side.

Advertisement

فواد چوہدری نااہلی کیس سماعت کیلئے مقرر

اسلام آباد: وفاقی وزیر برائے سائنس اینڈ ٹیکنالوجی فواد چوہدری کو نااہل قرار دئیے جانے کی درخواست سماعت کے لئے مقرر کردی گئی ہے۔

تفصیلات کے مطابق اسلام آباد ہائیکورٹ رجسٹرار آفس نے آئندہ ہفتے کی کاز لسٹ جاری کی ہے، جس میں وفاقی وزیر فواد چوہدری نااہلی کیس کو سماعت کیلئے مقرر کردیا گیا ہے۔

کاز لسٹ کے مطابق چیف جسٹس اسلام آباد ہائی کورٹ اطہر من اللہ پیر کو درخواست پر سماعت کریں گے۔

عدالت عالیہ پہلے ہی نااہلی سے متعلق کیس میں فواد چوہدری اور الیکشن کمیشن کو نوٹس جاری کرچکی ہے، درخواست میں وفاقی وزیر فواد چوہدری پر اثاثے چھپانے کا الزام عائد کیا گیا ہے۔

فواد چوہدری کی نااہلی کی درخواست سمیع ابراہیم نے اسلام آباد ہائی کورٹ میں دائر کی ہے، دائر درخواست میں کہا گیا ہے کہ فواد چوہدری نے جہلم کی زمین کو گوشواروں میں ظاہر نہیں کیا، اثاثہ جات چھپانے پر فواد چوہدری صادق اور امین نہیں رہے ،لہذا انہیں آئین کے آرٹیکل 62 ون ایف کے تحت نااہل قرار دیا جائے۔واضح رہے کہ وفاقی وزیر برائے آبی وسائل فیصل واوڈا کے نااہلی کے خلاف بھی اسلام آباد ہائی کورٹ میں درخواست دائر ہے، پاکستان پیپلز پارٹی نے بھی اس کیس میں اسلام آباد ہائی کورٹ سے رجوع کررکھا ہے۔

یہ بھی پڑھیں:  فیصل واوڈا کی نااہلی کیس کی کارروائی فوری روکنے کی استدعا مسترد

این اے 249 سے پیپلز پارٹی کے ٹکٹ پر الیکشن لڑنے والے امیدوار قادر خان مندوخیل نے فیصل واوڈا نااہلی کیس میں فریق بننے کیلئے درخواست جمع کراتے ہوئے موقف اپنایا تھا کہ فیصل واوڈا نے عام انتخابات سے قبل کاغذات نامزدگی جمع کراتے وقت جھوٹا بیان حلفی دیا اور امریکی شہریت چھپائی ، جھوٹ بولنے پر فیصل واؤڈا صادق اور امین نہیں رہے، آئین کے آرٹیکل 62،63 کے تحت نااہل قرار دیا جائے۔

Comments

یہ بھی پڑھیں