The news is by your side.

Advertisement

پاکستان میں موبائل فونز کی مکمل مینو فیکچرنگ شروع کرنا چاہتے ہیں: فواد چوہدری

اسلام آباد: وفاقی وزیر برائے اطلاعات و نشریات فواد چوہدری کا کہنا ہے کہ پاکستان چین کی مدد سے سیمی کنڈیکٹرز زون قائم کرنا چاہتا ہے، پاکستان میں موبائل فونز کی مکمل مینو فیکچرنگ شروع کرنا چاہتے ہیں۔

تفصیلات کے مطابق وفاقی وزیر برائے اطلاعات و نشریات فواد چوہدری نے چائنہ اکنامک نیٹ کو انٹرویو دیتے ہوئے کہا کہ پاکستان چین کی مدد سے سیمی کنڈیکٹرز زون قائم کرنا چاہتا ہے، منصوبے کا مقصد پاکستان کو جدید آلات میں خود کفیل بنانا ہے۔

فواد چوہدری کا کہنا تھا کہ یہ ٹیکنالوجی نہ صرف پاکستان بلکہ چین کے لیے بھی اہم ہے۔ چاہتے ہیں کہ چین کی ٹیکنالوجی کمپنیاں پاکستان آئیں، پاکستان کو سیمی کنڈیکٹرز مینو فیکچرنگ کا مرکز بنائیں۔

انہوں نے کہا کہ ہم پاکستان میں سیمی کنڈیکٹر ڈیزائننگ کا آغاز کرنا چاہتے ہیں، چینی سرمایہ کار پاکستان کے ساتھ کام کرنے میں دلچسپی لے رہے ہیں۔ ٹیکنالوجی زون کو سیمی کنڈیکٹرز زون میں بدل دیا جائے گا، سائنس و ٹیکنالوجی کا بہت بڑا شعبہ ہے جس میں دونوں ممالک تعاون کر سکتے ہیں۔

وفاقی وزیر کا کہنا تھا کہ پاکستان میں موبائل فونز کی مکمل مینو فیکچرنگ شروع کرنا چاہتے ہیں، صحت کے شعبہ میں آلات کے حوالے سے دو طرفہ تعاون میں اضافہ ہوا۔

انہوں نے مزید کہا کہ پاکستان کرونا کے سامان کے حوالے سے بڑا برآمد کنندہ ملک ہے، پاکستان کے پاس ہنر مند لیبر اور ایک بڑی مارکیٹ ہے۔ امید ہے چینی ٹیک کمپنیاں ٹیکنالوجی زون میں ہماری مدد کریں گی۔

Comments

یہ بھی پڑھیں