اسلام آباد : تحریک انصاف کے رہنما فواد چوہدری کا کہنا ہے کہ محض تنقید پر اتنے سینئر فوجی جنرل کی گرفتاری انتہائی غلط روایت ہے۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر لیفٹیننٹ جنرل (ر) امجد شعیب کی
گرفتاری پر ردعمل دیتے ہوئے کہا کہ 80 سالہ جنرل امجد شعیب کی گرفتاری سوائے مزید نفرت کے کچھ نہیں دے گی، محض تنقید پر اتنے سینئر فوجی جنرل کی گرفتاری انتہائی غلط روایت ہے۔
فواد چوہدری کا کہنا تھا کہ امجد شعیب کوفوری رہا کیا جائے، جوش سے نہیں ہوش سے کام کرنے کا وقت ہے، ملک سنگین بحرانوں میں گھرا ہوا ہے ،مزید بحران پیدا نہ کیجئے۔
اسی سالہ جنرل امجد شعیب کی گرفتاری سوائے مزید نفرت اور بے چینی کے کچھ نہیں دے گی، محض تنقید پر اتنے سینئر فوجی جنرل کی گرفتاری انتہائ غلط روائیت ہے،امجد شعیب کو فوری رہا کیا جائے جوش سے نہیں ہوش سے کام کرنے کا وقت ہے، ملک سنگین بحرانوں میں گھرا ہوا ہے مزید بحران پیدا نہ کیجئے https://t.co/JGr4ZYuXRi
— Ch Fawad Hussain (@fawadchaudhry) February 27, 2023
یاد رہے آج صبح اداروں کے خلاف اکسانے کے کیس میں لیفیٹننٹ جنرل (ر) امجد شعیب کو گرفتار کر لیا گیا تھا ، امجد شعیب کو تھانہ رمنا پولیس نے گرفتار کیا۔
پولیس حکام کا کہنا تھا کہ لیفٹیننٹ جنرل (ر) امجد شعیب کے خلاف تھانہ رمنہ میں مقدمہ درج ہے، ان پر اداروں کے خلاف اکسانے کا الزام ہے، ان کے خلاف مجسٹریٹ اویس خان کی مدعیت میں 153 اے، 505 پی پی سی کی دفعات کے تحت مقدمہ درج کیا گیا ہے۔