The news is by your side.

Advertisement

‘کشمیر، شہریت کے قانون اور گرتی معیشت نے مودی کےاوسان خطا کر دیے’

اسلام آباد : وزیرسائنس اینڈ ٹیکنالوجی فوادچوہدری کا کہنا ہے کہ کشمیر، شہریت کےقانون،گرتی معیشت نے مودی کےاوسان خطا کر دیےہیں، بھارت کےلوگ مودی کے پاگل پن کو شکست دیں۔

تفصیلات کے مطابق وزیرسائنس اینڈ ٹیکنالوجی فوادچوہدری نے سماجی رابطے کی ویب سائٹ ٹوئٹر پر بھارتی وزیراعظم مودی کے بیان کے حوالے سے کہا بھارت کےلوگ مودی کے پاگل پن کو شکست دیں، انتخابات میں شکست دیکھ کرمودی نےپاکستان کیخلاف ہرزہ سرائی شروع کردی ہے۔

فواد چوہدری کا کہنا تھا کہ کشمیر،شہریت کے قانون،گرتی معیشت نے مودی کےاوسان خطا کر دیےہیں ،ایسے بیانات سے مودی الیکشن نہیں جیت سکتے۔

یاد رہے گذشتہ روز پاکستان نے بھارتی وزیراعظم نریندر مودی کی اشتعال انگیزبیان بازی کو مسترد کرتے ہوئے کہا تھا یہ بیانات بھارت میں پاکستان کےخوف کے عکاس ہیں۔

ترجمان ترجمان دفترخارجہ کا کہنا تھا بی جے پی حکومت کے ایسے بیانات اپنی خفت مٹانے کی بھونڈی کوشش ہیں، بالاکوٹ پرپاکستانی جواب بھارت کو یادرکھنا چاہیے۔

دفترخارجہ نے کہا تھا کہ پاکستان نے بالاکوٹ میں بھارتی مس ایڈونچرکا بھرپورجواب دیا، بھارتی جہاز گرایا اور پائلٹ گرفتار کیا، پاکستان کا جواب اہلیت تیاری اور عزم جاننے کے لیے کافی ہونا چاہیے۔

fb-share-icon0
Tweet 20

Comments

comments

یہ بھی پڑھیں