اسلام آباد : وفاقی وزیر اطلاعات فواد چوہدری نے اپوزیشن کا قومی سلامتی کمیٹی میٹنگ کا بائیکاٹ افسوسناک قرار دیتے ہوئے فیصلے پر نظرثانی کی درخواست کردی۔
تفصیلات کے مطابق وفاقی وزیر اطلاعات فواد چوہدری نے اپنے بیان میں کہا کہ اپوزیشن کا قومی سلامتی کمیٹی میٹنگ کابائیکاٹ افسوسناک ہے، 7 دہائیوں میں پہلی بار سیکیورٹی پالیسی پارلیمان کو پیش ہوگی، سیاسی معاملہ نہیں قومی سلامتی کامعاملہ ہے۔
فواد چوہدری کا کہنا تھا کہ اپوزیشن اپنے فیصلے پر نظرثانی کرے اور اپوزیشن سنجیدگی سےاجلاس میں شرکت کرے۔
اپوزیشن کا پارلیمان کی قومی سلامتی کمیٹی کی میٹنگ کا بائیکاٹ افسوسناک ہے، سات دہائیوں میں پہلی بار کوئ حکومت اپنی سیکیورٹی پالیسی پارلیمان کو پیش کر رہی ہے یہ سیاسی معاملہ نہیں بلکہ قومی سلامتی کا معاملہ ہے، اپوزیشن اپنے فیصلے پر نظرثانی کرے اور سنجیدگی سے اجلاس میں شرکت کرے
— Ch Fawad Hussain (@fawadchaudhry) December 3, 2021
یاد رہے متحدہ اپوزیشن نے پارلیمانی قومی سلامتی کمیٹی کے ان کیمرہ بریفنگ کے بائیکاٹ کا فیصلہ کیا ہے ، فیصلہ مشترکہ اجلاس میں اہم بلزبلڈوز کرنے کے حکومتی رویے پر کیا گیا۔
اعلامیے میں کہا گیا کہ حکومت نےپارلیمانی قومی سلامتی کمیٹی میں ان کیمرہ بریفنگ سے آگاہ کرتے ہوئے بتایا تھا 6دسمبر کو مشیر معید یوسف ان کیمرہ اجلاس میں بریفنگ دیں گے۔
متحدہ اپوزیشن کا کہنا تھا کہ اس سےقبل اپوزیشن نےآئین، عوامی امورپرہمیشہ ذمہ دارانہ طرز عمل اپنایا، قائد ایوان کی عدم موجودگی کے باوجود بریفنگز اور اجلاسوں میں شرکت کی جبکہ قائدین اور پارلیمانی لیڈرز نے اپنی تجاویز بھی دیں۔
اعلامیے میں کہنا تھا کہ افسوسناک ہے حکومت پارلیمان کوربڑاسٹیمپ کےطورپر استعمال کرتی ہے، اپوزیشن سمجھتی ہےپارلیمان میں اہم قومی اور عوامی امور کو لایاہی نہیں جارہا ، پارلیمان کونظراندازکرکےان کیمرہ بریفنگ سے معاملات کو چلایاجارہاہے۔