The news is by your side.

Advertisement

اب بھی وقت ہے، پی پی، ن لیگ خود کو فضل الرحمان سے علیحدہ کرلیں: فواد چوہدری

اسلام آباد: وفاقی وزیر برائے سائنس اینڈ ٹیکنالوجی، فواد چوہدری نے کہا ہے کہ اب بھی وقت ہے، پی پی، ن لیگ خود کو فضل الرحمان سے علیحدہ کرلیں.

ان خیالات کا اظہار انھوں نے میڈیا سے گفتگو کرتے ہوئے کیا. فواد چوہدری کا کہنا تھا کہ کرایہ داری ایکٹ کا نفاذ مولانا فضل الرحمان پرہونا چاہیے، کیوں کہ انھیں دونوں جماعتوں نے کرائے پر لے رکھا ہے.

فواد چوہدری نے پی ٹی آئی کے رکن قومی اسمبلی عالمگیر خان کی گرفتاری اور ان پر تشدد پر رائے دیتے ہوئے کہا کہ پر  پولیس کے رویے کی شدید مذمت کرتے ہیں، یہ افسوس ناک واقعہ تھا۔

انھوں نے مزید کہا کہ ٹرمپ نے مسئلہ کشمیر پر بھارت کو واضح پیغام دیا ہے، جس کا خیر مقدم کرتے ہیں۔

مزید پڑھیں: جو لوگ لوٹ مار کے پیسے نہیں دے رہے ہیں ان سے نکلوائے جائیں گے، مراد سعید

انھوں نے اپوزیشن کے رویے پر رائے دیہ کہ یہ تمام کیسز ان کے اپنے دور میں بنے، تفتیشی افسر بھی ان کے اپنے ہیں، کیسز پر اپوزیشن کا احتجاج بے تکا ہے.

ان کا کہنا تھا کہ سابق وزیر اعظم میاں نواز شریف کے دورہ امریکا پر بھاری خرچہ آتا تھا، وزیر اعظم عمران خان کے دورے میں‌ قلیل رقم خرچ ہوئی، البتہ اس کے نتائج دیر پا ہیں.

وفاقی وزیر نے کہا کہ ہم میڈیا کی آزادی کے حامی ہیں، میڈیا کے ساتھ کھڑے ہیں.

Comments

comments

یہ بھی پڑھیں