لاہور : تحریک انصاف کے رہنما فواد چوہدری نے دعویٰ کیا ہے کہ ظل شاہ کی والدہ کو پیغام ملا ہے کہ دوسرے بیٹے کی زندگی چاہتی ہیں تومنہ بند رکھنا ہوگا۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ ظل شاہ کی والدہ کو کہا گیا دوسرے بیٹے کی زندگی چاہتی ہیں تومنہ بند رکھنا ہوگا، ورکرز جو حراست میں ہیں ان سے پہلے ہی کہا پولیس جو بیان چاہے دے دیں ، ان بیانوں کی نہ توعوام کی نظر میں کوئی حیثیت ہےنہ قانون کی نظرمیں۔
ظل شاہ کی والدہ کو پیغام دیا گیا اگر دوسرے بیٹے کی زندگی چاہئے تو منہ بند رکھنا ہو گا ، تمام ورکرز جو پولیس کی حراست میں ہیں ان سے پہلے ہی کہا ہے کہ تشدد سہنے کی بجائے جو بھی بیان پولیس چاہے دے دیں ، ان بیانوں کی نہ تو عوام کی نظر میں کوئ حیثیت ہے نہ قانون کی نظر میں
— Ch Fawad Hussain (@fawadchaudhry) March 13, 2023