اسلام آباد : تحریک انصاف کے رہنما فواد چوہدری نے واجہ آصف کے ملک ڈیفالٹ کےبیان پر کہا کہ اسحاق ڈار اس بیان کی فوری وضاحت کریں۔
تفصیلات کے مطابق تحریک انصاف کے رہنما فواد چوہدری نے خواجہ آصف کے ملک ڈیٖفالٹ کےبیان پر ردعمل دیتے ہوئے کہا کہ خواجہ آصف جیسے اصل دشمن ملک سے کھیل رہے ہیں، اس شخص کا وزیر دفاع ہونا سیکیورٹی رسک ہے، اسحاق ڈار اس بیان کی فوری وضاحت کریں۔
یاد رہے سیالکوٹ میں وزیر دفاع خواجہ محمدآصف نے تقریب سے خطاب کرتے ہوئے کہا تھا کہ پاکستان ڈیفالٹ ہونہیں رہا، ہو چکا ہے، ہم دیوالیہ ملک میں رہنےوالے ہیں۔
وزیر دفاع کا کہنا تھا کہ تمام مسائل کا حل ہمارے پاس ہے، آئی ایم ایف کےپاس نہیں، ہمارے پاس موجود وسائل سے ہم استفادہ حاصل نہیں کرسکتے۔
انھوں نے مزید کہا تھا کہ حکومت کی زمین پرپندرہ سوکنال پرگالف کلب بنے ہوئے ہیں، دوکلب بھی بیچ دیں توکم ازکم ملک کاایک چوتھائی قرض اتر سکتا ہے جبکہ دوتین سوملین ڈالرز کیلئے خود حکمرانوں کو منتیں کرتے دیکھا ہے۔