لاہور: پاکستان تحریک انصاف کے ترجمان فواد چوہدری نے کہا ہے کہ انتخابات کے التوا کی بھرپور مذمت اور مخالفت کریں گے، قبل ازوقت انتخابات کا مطالبہ آئینی اور پاکستان کے مفاد میں ہے۔
ان خیالات کا اظہار فواد چوہدری نے میڈیا سے گفتگو کرتے ہوئے کیا، انہوں نے کہا کہ ذاتی مفاد کی خاطر انتخابات کے التوا کی کوششیں مہلک ہیں، پاکستان سنگین نوعیت کے سیاسی و معاشی بحرانوں سے دوچار ہے۔
انہوں نے کہا کہ پی ٹی آئی مطالبے کی مخالفت کے پیچھے ن لیگ اور پی پی مک مکا ہے، بینظیر بھٹو نے 1993ء میں قبل از وقت الیکشن کے لیے تحریک چلائی۔
فواد چوہدری نے کہا کہ نواز شریف کی تحریک نجات کا مطالبہ بھی قبل ازوقت الیکشن تھے، ن لیگ، پی پی نے اسمبلیوں کی نصف مدت کے قریب تحریکیں چلائیں۔
ترجمان تحریک انصاف نے کہا کہ ذاتی مفاد کی خاطر انتخابات کے التوا کی کوششیں مہلک ہیں، انتخابات کے التوا کی بھرپور مذمت اور مخالفت کریں گے۔