The news is by your side.

Advertisement

ہمیں فوری طورپربھارت سے سفارتی تعلقات ختم کرنےچاہئیں ، فواد چوہدری

جنگ مصلت ہوئی تو کشمیرکے لیے کٹ مریں گے

اسلام آباد : وزیرسائنس اینڈ ٹیکنالوجی فواد چوہدری نے کہا کہ   ہمیں فوری طورپربھارت سے سفارتی تعلقات ختم کرنے چاہئیں ، کشمیر کو فلسطین نہیں بننے دیں گے ، جنگ مصلت ہوئی تو کشمیرکے لیے کٹ مریں گے۔

تفصیلات کے مطابق وزیرسائنس اینڈ ٹیکنالوجی فواد چوہدری نے قومی اسمبلی میں اظہار خیال کرتے ہوئے کہا اپنی سیاست کے پیچھے ہمارے بچوں کی بے حرمتی نہ کریں، کل جو ہوا اور آج جو ہو رہا ہے، پیغام اچھا نہیں جارہا۔

فواد چوہدری کا کہنا تھا کہ کل عمران خان نے کہا کیا میں بھارت پر حملے کا حکم دے دوں، اس وقت شہباز شریف اور بلاول کو کھڑے ہو کر کہنا چاہیے تھا، قدم بڑھاؤ ہم تمہارے ساتھ ہیں، یہ تاثرنہیں دینا چاہیے کہ ہم کوئی جنگ لڑنے سے بھاگ رہے ہیں۔

لڑنے کا موقع آیا تو پاکستان کا بچہ بچہ جان ہتھیلی پر رکھ کر نکلےگا

وزیرسائنس اینڈ ٹیکنالوجی نے کہا لڑنے کا موقع آیا تو پاکستان کا بچہ بچہ جان ہتھیلی پر رکھ کر نکلےگا، ہمیں فوری طور پر سفارتی تعلقات بھارت سے ختم کرنے چاہئیں، جب بھارت نے بات ہی نہیں کرنی تو ان کاسفارتکار یہاں کیاکر رہا ہے۔

ان کا کہنا تھا کہ قومیں سرجھکاکرنہیں جی سکتیں، ہم لڑنا نہیں چاہتےلیکن لڑنے کیلئے تیار بھی ہیں، ہم سےکہاجارہاہےلڑنانہیں ہے تو ٹھیک ہے، کشمیر کو فلسطین نہیں بننے دیں گے۔

کشمیر کو فلسطین نہیں بننے دیں گے

فواد چوہدری نے کہا بھارت وہی کررہاہے جواسرائیل نےفلسطین میں کیا، ہمیں لڑنا پڑا تو لڑیں گے مرنا پڑا تو مریں گے، عالمی برادری اپنی ذمہ داری پوری کرے ، جنگ ہوئی تو دنیا کے سب ممالک اس کی شدت محسوس کریں گے۔

وفاقی وزیر کا کہنا تھا کہ جنگیں جیت ہارکیلئےنہیں عزت کیلئےلڑی جاتی ہیں، ہمیں مت بتائیں کہ ہماری معاشی صورتحال کمزورہے، ہمیں جنگ اور امن کے لئے تیار رہنا چاہیے۔

جنگ ہوئی تو دنیا کے سب ممالک اس کی شدت محسوس کریں گے

انھوں نے مزید کہا کہ کوئی کمزورپیغام اس ایوان سے بھارت کونہیں جاناچاہیے، نہ بتائیں معیشیت کمزور ہے، جنگ مصلت ہوئی تو کشمیر کے لیے کٹ مریں گے۔

Comments

comments

یہ بھی پڑھیں