اسلام آباد: وفاقی وزیر سائنس فواد چوہدری نے خلائی مشن کی کامیابی پر اماراتی حکومت اور عوام کو مبارک باد دی ہے۔
اے آر وائی نیوز کے مطابق فواد چوہدری نے ایک ٹوئٹ میں متحدہ عرب امارات کو مبارک باد دیتے ہوئے لکھا کہ آپ نے انسانیت کے لیے ایک اہم سنگ میل عبور کر لیا ہے، یہ مسلم امہ اور عرب دنیا کے لیے فخر کا لمحہ ہے۔
واضح رہے کہ متحدہ عرب امارات کا خلائی مشن ’ہوپ‘ مریخ کے گرد مدار میں کامیابی سے داخل ہوگیا ہے، یہ عرب دنیا کا پہلا خلائی مشن ہے جو اتنی بڑی کامیابی سے ہمکنار ہوا ہے.
یو اے ای کے نائب صدر اور وزیر اعظم شیخ راشد المکتوم نے ٹویٹ میں لکھا کہ مشن مکمل ہوگیا، خلائی مشن ہوپ مریخ کے گرد مدار میں پہنچ گیا۔
یو اے ای کا خلائی مشن ’ہوپ‘ مریخ کے گرد مدار میں کامیابی سے داخل
ایک ایس یو وی کے حجم کا یہ اسپیس کرافٹ 9 فروری کو پاکستانی وقت کے مطابق رات 9 بجکر 14 منٹ میں مریخ کے مدار میں داخل ہوا۔ ہوپ مشن 20 جولائی کو جاپان سے روانہ کیا گیا تھا اور 7 ماہ کے طویل سفر کے بعد سرخ سیارے تک پہنچنے میں کامیاب ہوا ہے۔
My heartfelt congs to people and the Government of @uaegov you have achieved a milestone for humanity truly a proud moment for Muslim Ummah And particularly for Arab World @uaeembassyisb pic.twitter.com/itGxTtSoBg
— Ch Fawad Hussain (@fawadchaudhry) February 9, 2021
ہوپ مشن کی کامیابی کے بعد یو اے ای پہلا مسلمان ملک اور دنیا کا پانچواں ملک بن گیا ہے جس نے خلائی پروگرام میں اتنی بڑی کامیابی حاصل کی ہے، رپورٹ کے مطابق یہ سیارے پر آئندہ چند ماہ میں اترے گا، مدار میں داخلے کے بعد ایک سگنل سے زمین پر موجود مشن کنٹرولرز کو تاریخی کامیابی کی تصدیق مل سکی۔
واضح رہے کہ یو اے ای کا ہوپ اسپیس ایجنسی کا پہلا اہم خلائی مشن ہے جس کا مقصد سرخ سیارے کے مدار مریخ کے مکمل سال (زمین کے دو سال) تک گردش کرتے ہوئے وہاں کے موسم کا تفصیلی نقشہ تیار کرنا ہے۔
