پاکستان تحریک انصاف کے رہنما فواد چوہدری نے کہا ہے کہ ہماری حکومت میں میڈیا کے ساتھ ایسا کب ہو رہا تھا جیسا اب ہو رہا ہے؟
پی ٹی آئی رہنما اور سابق وفاقی وزیر فواد چوہدری نے سماجی رابطوں کی ویب سائٹ ٹوئٹر پر موجودہ حکومت کے دور میں میڈیا کی جبری زباں بندی کے حوالے سے اپنے ردعمل کا اظہار کیا ہے۔
اے آروائی نیوز براہِ راست دیکھیں live.arynews.tv پر
فواد چوہدری نے کہا کہ تحریک انصاف حکومت کیخلاف جعلی میڈیا مہم چلائی گئیں، اخلاق باختہ گفتگو ہوئی، فیک نیوز کی بھرمار تھی، اس کے باوجود نہ کوئی چینل بند ہوا اور نہ کوئی صحافی دہشت گرد ٹھہرا۔
انہوں نے کہا کہ اب تو میڈیا مکمل غلام ہے، میں حیران ہوں یہ موازنہ بھی کیسے ہو سکتا ہے؟ آج اپوزیشن پر ہونیوالے مظالم رپورٹ کرنے پر چینل بند ہو جاتے ہیں، صحافیوں پر دہشتگردی کے پرچے ہو رہے ہیں ان کو چھتر مارے جا رہے ہیں۔
اب تو میڈیا مکمل غلام ہے، اپوزیشن پر ہونیوالے مظالم رپورٹ کرنے چینل بند ہو جاتے ہیں،صحافیوں پر دہشت گردی کے پرچے ہو رہے ہیں ان کو ننگا کر کے چھتر مارے جا رہے ہیں میڈیا گروپس کو کھلے عام رشوت دی جا رہی ہے،ان حالات کو پچھلی حکومت کیا کسی بھی پچھلی حکومت سے موازنہ نہیں ہو سکتا
— Ch Fawad Hussain (@fawadchaudhry) September 2, 2022
فواد چوہدری نے اپنے ٹوئٹ میں یہ بھی کہا کہ میڈیا گروپس کو کھلے عام رشوت دی جا رہی ہے، موجودہ ان حالات کا پچھلی حکومت کیا کسی بھی پچھلی حکومت سے موازنہ نہیں ہو سکتا۔
