پاکستان تحریک انصاف کے رہنما الیکشن کمیشن کو انتخابات کے لیے آج اجلاس منعقد کرنا چاہیے تھا آئین کے ساتھ کھلواڑ ملک کو مہنگا پڑے گا۔
اے آر وائی نیوز کے مطابق عدالتی حکم کے باوجود پنجاب اور کے پی میں الیکشن شیڈول کے اعلان کے لیے الیکشن کمیشن کا اجلاس نہ ہونے پر پاکستان تحریک انصاف کے مرکزی رہنما فواد چوہدری نے سماجی رابطوں کی ویب سائٹ ٹوئٹر پر اپنے ردعمل کا اظہار کیا ہے۔
فواد چوہدری نے اپنے ٹویٹ میں لکھا ہے کہ الیکشن کمیشن کو انتخابات کیلیے آج اجلاس منعقد کرنا چاہیے تھا۔ آئین اور عدالتی احکامات کو مذاق نہ بنائیں۔
سابق وفاقی وزیر نے مزید کہا کہ ع دالت کےواضح احکامات کے بعد بھی عام تاثر ہے کہ چونکہ الیکشن کمیشن منشیوں پر مشتمل ہے، اس لیے وہ اسلام آباد کی طرح صوبائی الیکشن بھی نہیں کرائے گا۔
فواد چوہدری نے لکھا کہ ہمارے پاس آئین ہی متفقہ دستاویز ہے۔ آئین کے ساتھ یہ کھلواڑ ملک کو مہنگا پڑے گا۔ آئین کو روندا گیا تو یہ ریاست شدید خطرات کا شکار ہو جائے گی۔
ہمارے پاس آئین ہی متفقہ دستاویز ہے اگر آئین کو بھی روند دیا گیا تو پاکستان کی ریاست شدید خطرات کا شکار ہو جائیگی ، بہت ہو گیا آئین کی بالادستی کیلئے ہماری تحریک بالکل تیار ہے جیل بھرو سے اس تحریک کا آغاز ہو گا اور آئین کی بحالی تک تحریک جاری رہے گی
— Ch Fawad Hussain (@fawadchaudhry) February 12, 2023
پی ٹی آئی رہنما نے کہا کہ آئین کی بالادستی کیلیے ہماری تحریک تیار ہے۔ جیل بھرو سے تحریک کا آغاز ہوگا اور آئین کی بحالی تک تحریک جاری رہے گی۔
