پی ٹی آئی رہنما فواد چوہدری نے وزیراعظم شہباز شریف کے بیان پر ردعمل دیتے ہوئے کہا ہے کہ کپڑوں کے بجائے آپ اپنے اور بھائی لے لندن فلیٹس بیچ کر پاکستان لے آئیں۔
پاکستان تحریک انصاف کے رہنما وسابق وفاقی وزیر فواد چوہدری نے وزیراعظم شہباز شریف نے سستے آٹے کی فراہمی کیلیے کپڑے بیچنے کے بیان پر سماجی رابطوں کی ویب سائٹ ٹوئٹر پر اپنے ردعمل کا اظہار کیا ہے۔
فواد چوہدری نے اپنے ٹوئٹ میں شہباز شریف کا نام لیے بغیر مخاطب کرتے ہوئے لکھا ہے کہ کپڑوں کے بجائے اپنے اور بھائی کے لندن فلیٹس بیچ کر پاکستان لے آئیں۔
شہباز شریف کے بیان پر فواد چودھری کا ردعمل@fawadchaudhry #ShehbazSharifhttps://t.co/lcCN7VwgP5 pic.twitter.com/gSVgrdtTwd
— Siasat.pk (@siasatpk) May 7, 2022
پی ٹی آئی رہنما نے اپنے ٹوئٹ میں مزید لکھا ہے کہ فلیٹس بیچ کر اربوں ڈالر ملک میں لے آئیں تو آٹے کے علاوہ دیگر مسائل بھی حل ہو سکتےہیں۔
واضح رہے کہ وزیراعظم شہباز شریف نے ہفتے کی شام بشام میں جلسے سے خطاب کرتے ہوئے سستے آٹے کی فراہمی سے متعلق بات کرتے ہوئے جوش خطابت میں کہا تھا کہ میں اپنے کپڑے بیچ کر بھی عوام کو سستا آٹا دونگا۔
مزید پڑھیں: خیبرپختونخوا میں سستے آٹے کیلیے کپڑے بیچنا پڑیں گے؟
وزیراعظم کے اس بیان پر خیبرپختونخوا کے وزیر خزانہ تیمور ظفر نے ردعمل دیتے ہوئے کہا کہ شہبازشریف کی آٹے سے متعلق بات پر ہنسی آرہی ہے، اب سمجھ میں آرہا ہے انہیں شوباز کیوں کہا جاتا ہے۔
