اسلام آباد : وزیرسائنس و ٹیکنالوجی فواد چوہدری نے مولانا منیب الرحمان اور شہاب الدین پوپلزئی کو چاند دیکھنے کی دعوت دے دی اور کہا چاند دیکھنے کے لیے پاپڑ بیلنے کی ضرورت نہیں۔
تفصیلات کے مطابق وزیرسائنس و ٹیکنالوجی نے سماجی رابطے کی ویب سائٹ ٹوئٹر پر اپنے بیان میں کہا مولانا منیب الرحمان اور شہاب الدین پوپلزئی کو دعوت دے رہے ہیں، تشریف لائیں اورخود دیکھیں چاند کیسے گردش کرتا ہے۔
فوادچوہدری کا کہنا تھا سائنسی طور پر چاند کے اصل مقام کا تعین کرنا بہت آسان ہے، چاند کے اصل مقام کے تعین کے لیے بہت پاپڑ بیلنے کی ضرورت نہیں۔
مولانا منیب الرحمن اور شہاب الدین پوپلزئ کو دعوت بھجوا رہے ہیں کہ وہ تشریف لائیں اور خود دیکھیں کہ چاند کیسے گردش کرتا ہے اور سائنسی طور پر کیوں یہ انتہائ آسان ہے کہ چاند کے اصل مقام کا تعین ہو سکتا ہے اور اس کیلئے بہت پاپڑ بیلنے کی ضرورت نہیں ۔۔
— Ch Fawad Hussain (@fawadchaudhry) May 20, 2019
یاد رہے چند روز قبل وزیر سائنس وٹیکنالوجی فواد چوہدری نے کہا تھا رویت ہلال کیلنڈر15رمضان تک تیار ہوجائے گا، جو بھی دیکھنا چاہے وہ ایپ کےذریعےچانددیکھ سکےگا۔
وزیر سائنس وٹیکنالوجی کا کہنا تھا چاند دیکھنے پر 40 لاکھ کےاخراجات آتےہیں، پہلے اسپیکر بھی حرام تھامگراب پیاراہوچکاہے۔
مزید پڑھیں : جودیکھنا چاہے وہ ایپ کے ذریعے چاند دیکھ سکےگا، فواد چوہدری
اس سے قبل بھی وزیر برائے سائنس و ٹیکنالوجی فواد چوہدری نے چاند دیکھنے کے لئے ایپ تیار کرنے کا اعلان کرتے ہوئے کہا تھا پاکستان میں سائنس اور ٹیکنالوجی کو توجہ کی ضرورت ہے ، ٹیکنالوجی میں ہم آگے جاکر اور کام کرنے والے ہیں۔
فواد چوہدری کا کہنا تھا ملک کی ترقی کےلیےسائنس اورٹیکنالوجی کواستعمال کرناہوگا، معیشت اوپر نیچے جاتی ہے ہمیں نیچے ملی اسے اوپر لے کر جائیں گے، ملک کو ہم نے بہتر معیشت اور ترقی یافتہ ملک بناناہے۔
وفاقی وزیر کا کہنا تھا علمائےکرام کوقمری کلینڈر سے متعلق کمیٹی میں شرکت کی دعوت دی ہے، 15ویں روزے تک قمری کلینڈر بن جائےگا، ایپ تیارکریں گےجس سےچانددیکھابھی جاسکےگا، علماکوکمیٹی میں دعوت دی ہے۔
