لاہور : عمران خان کے میڈیا ایڈوائزر فیاض چوہان کو نامعلوم موبائل کالز سے دھمکیاں موصول ہوئیں ، جس میں کہا پی ٹی آئی نہ چھوڑی تو سنگین نتائج کیلئے تیار رہو۔
تفصیلات کے مطابق نامعلوم موبائل کالز سے عمران خان کے میڈیا ایڈوائزر فیاض چوہان کو دھمکیاں ملنے لگیں ، اس حوالے سے فیاض الحسن چوہان نے کہا کہ یہ مریم نوازاوران کےمیڈیاسیل کی کارستانی ہے، بیگم صفدر کا اسٹرٹیجک میڈیا سیل اداروں اور عوام میں خلیج پیدا کررہا ہے۔
عمران خان کےمیڈیا ایڈوائزر نے بتایا کہ مجھے نو کالر آئی ڈی سے کال آئی اور 2 دن میں پی ٹی آئی چھوڑنے کی دھمکی دی گئی، بصورت دیگرسنگین نتائج بھگتنے کی دھمکیاں دی گئیں۔
رہنما پی ٹی آئی نے کہا کہ نو کالر آئی ڈی سافٹ ویئر کے ذریعے کال کر کے تاثر دیا گیا کہ کسی ادارے کی طرف سے کال ہے۔
ن لیگ اور بیگم صفدر اس وقت عمر وعیارکی سیاست پر گامزن ہیں، اوچھے ہتھکنڈوں سے پی ٹی آئی قائدین اورکارکنان کاحوصلہ پست نہیں کیاجاسکتا، ادارے بیگم صفدر اعوان کے اسٹرٹیجک میڈیا سیل کا فوری نوٹس لیں۔
