The news is by your side.

Advertisement

اوورسیز پاکستانیوں کو ووٹ کا حق دینا ایک سازش لگتی ہے: مولانا فضل الرحمان

مانسہرہ: جے یو آئی ف کے سربراہ مولانا فضل الرحمان نے سمندر پار پاکستانیوں‌ کے حق رائے دہی پر شک کا اظہار کرتے ہوئے کہا ہے کہ یہ فیصلہ ایک سازش لگتی ہے۔

تفصیلات کے مطابق مانسہرہ میں علما کنونشن سے خطاب کرتے ہوئے مولانا فضل الرحمان نے کہا کہ اوورسیز پاکستانیوں کے ووٹ سے کسی لابی کا راستہ تو نہیں کھولا جارہا ہے؟

مولانا نے کہا کہ ایک شخص حق کی بات کرتا ہے لیکن ہم فرائض کی بات کرتے ہیں، ہم ریاست کو مانتے ہیں اور آئین و قانون کے دائرے میں رہ کر سیاست کر رہے ہیں، لیکن ریاست کو چلانے والے ناکام ہوگئے ہیں۔

انھوں‌ نے کنونشن سے خطاب کرتے ہوئے کہا کہ عمران خان کی جماعت نے خیبر پختونخواہ کو تباہ کردیا ہے اور کے پی حکومت پر تین سو ارب روپے کا قرضہ چڑھ گیا ہے۔

الیکشن وقت پر ہونے کے بارے میں کچھ کہنے کی پوزیشن میں نہیں: مولانا فضل الرحمان

جمعیت علمائے اسلام کے سربراہ نے کہا کہ خیبر پختونخوا میں اگلا الیکشن تحریک انصاف کا آخری الیکشن ہوگا، عوام ووٹ کا درست استعمال سمجھیں۔

انھوں‌ نے کہا کہ ہماری سیاست اور معیشت ستر سال سے ناکام لوگوں کے قبضے میں‌ ہے، عوام کو اپنا ووٹ باطل کے مقابلے میں‌ استعمال کرکے حق کا ساتھ دینا چاہیے۔

 واضح رہے کہ چیف جسٹس میاں ثاقب نثار نے کہا تھا کہ سمندر پار پاکستانیوں کو مقامی انتخابات میں ووٹ کاسٹ کا کرنے کا حق دیا  جائے گا، ایک کیس کی سماعت کرتے ہوئے انھوں نے کہا تھا کہ سمندر پار پاکستانیوں نے بہت صبر کرلیا ہے، اب ہم انھیں ووٹ دینے کا حق دیں گے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں