واشنگٹن : بھارت کے ہاتھوں ہردیپ سنگھ نجرکو بے دردی سے قتل کرنے کے واقعے کے بعد امریکی وفاقی تحقیقاتی ایجنسی ( ایف بی آئی ) نے امریکی سکھ برادری کی 3 اہم شخصیات کو بھارتی خطرات سے خبردارکردیا۔
تفصیلات کے مطابق امریکی وفاقی تحقیقاتی ایجنسی ( ایف بی آئی ) نے امریکا میں سکھ رہنماؤں کو بھارتی دہشت گردی سے خبردار کردیا۔
خبرایجنسی نے بتایا کہ امریکی ادارے ایف بی آئی نے سکھ رہنماؤں کو خبرداررہنےکی ہدایت کرتے امریکی سکھ برادری کی 3 اہم شخصیات کو خبردار کیا ہے۔
کینیڈامیں بھارت کےہاتھوں ہردیپ سنگھ نجرکوبےدردی سے قتل کرنے کے واقعے کے بعد ایف بی آئی نےامریکی سکھوں کو بھارتی خطرات سےخبردارکیا ، دی گارڈین کا کہنا تھا کہ تینوں سکھ رہنماؤں کو کہا گیا ہے کہ ان کی زندگیوں کوخطرہ لاحق ہوسکتے ہیں۔
کینیڈین وزیر اعظم نےمصدقہ شواہدپربھارت کوہردیپ سنگھ کےقتل کاذمہ دارٹھہرایا ، انکشاف کےمطابق بھارت نےکینیڈین سرزمین پرکینیڈین شہری کوقتل کیا۔
دی گارڈین کا کہنا ہے کہ رپورٹ کےمطابق دنیابھرمیں سکھوں کوبھارت کی جانب سےدھمکیاں مل رہی ہیں، ہردیپ سنگھ قتل سےپہلےبرطانیہ اورپاکستان میں مشکوک ہلاکتوں کاجائزہ لیاگیا جبکہ واقعےسےپہلےسکھ کارکنوں کےالزامات اوردعوؤں کابھی دوبارہ جائزہ لیاگیا۔
کوآرڈینیٹرامریکی سکھ کمیونٹی پرت پال سنگھ نے بتایا کہ میرے2 دیگرساتھیوں کوایف بی آئی نےواقعےکےچنددن بعدبلایا اور بھارت کی سکھ مخالف دہشت گردانہ کارروائیوں سےآگاہ کیا، ہردیپ سنگھ نجرکو18جون کوسرے میں عبادتگاہ کےباہرگولی مارکرہلاک کیاگیاتھا، بھارتی انٹیلی جنس کی وجہ سےسکھوں کی زندگی خطرےمیں ہے۔
