فیڈرل بورڈ آف ریونیو نے جولائی تا ستمبر دو ہزار ارب روپے سے زائد کا ٹیکس وصول کیا ہے جو کہ ہدف سے بھی زیادہ ہے۔
تفصیلات کے مطابق فیڈرل بورڈ آف ریونیو نے اہم کامیابی حاصل کرتے ہوئے رواں سال ہدف سے زیادہ ٹیکس جمع کرلیا، ترجمان نے بتایا کہ جولائی تا ستمبر کے دوران 1977 ارب روپے کا ٹیکس ہدف حاصل کرلیا گیا ہے.
ترجمان آفاق قریشی کا کہنا تھا کہ جولائی تا ستمبر کے دوران مجموعی طور پر 2041 ارب روپے کا ٹیکس جمع ہوا۔
- Advertisement -
جولائی تا ستمبرمقرر ہدف سے 64 ارب روپے کا ٹیکس زیادہ جمع ہوا، صرف ستمبر 2023 میں 834 ارب روپے کا ٹیکس جمع ہوا۔
ترجمان ایف بی آر نے کہا کہ ستمبر 2023 میں ٹیکس کا ہدف 799 ارب روپے تھا، اب تک 18 لاکھ 90 ہزار انکم ٹیکس گوشوارے جمع ہوچکے ہیں۔
