اسلام آباد: فیڈرل بورڈ آف ریونیو (ایف بی آر) نے ٹیکس نادہندگان کے خلاف کارروائیاں تیز کر دیں، دنیا بھر سے 50 ہزار بینک اکاؤنٹس کا ڈیٹا مل گیا۔
ذرائع ایف بی آر نے کہا ہے کہ ٹیکس چوروں کے بیرونی ملک اکاؤنٹس کی تفصیلات ملنے کا پہلا مرحلہ شروع ہو گیا ہے، دنیا بھر سے پچاس ہزار بینک اکاؤنٹس کا ڈیٹا موصول ہو گیا ہے۔
[bs-quote quote=”اگلے 2 سال بیرون ملک بینکوں میں اکاؤنٹ رکھنا ممکن نہیں ہوگا۔” style=”style-7″ align=”left” color=”#dd3333″ author_name=”ایف بی آر”][/bs-quote]
ٹیکس چوروں کے بیرون ملک اکاؤنٹس کی مزید تفصیلات بھی ملیں گی۔
ذرائع نے بتایا کہ بیرون ملک اکاؤنٹس اسپین، اٹلی، فرانس، جرمنی اور دیگر ممالک میں ہیں، معلومات او ای سی ڈی (اقتصادی تعاون اور ترقی کی تنظیم) کے تحت ملنا شروع ہوئی ہیں۔
ممبرایف بی آر نے بتایا کہ پاکستانیوں کے بیرون ملک 50 ہزار اکاونٹس کا پتا چلا ہے تاہم ادارہ معلومات خفیہ رکھنے کا پابند ہے، زیادہ تر افراد کا تعلق کراچی، لاہور اور اسلام آباد سے ہے۔
ایف بی آر کے مطابق اگلے 2 سال بیرون ملک بینکوں میں اکاؤنٹ رکھنا ممکن نہیں ہوگا۔
یہ بھی پڑھیں: بیرون ملک پاکستانیوں کی جائیدادیں: ایف بی آر اور ایف آئی اے سے رپورٹ طلب
ایف بی آر کے رکن نے بتایا کہ دبئی میں 537 افراد کی 1365 جائیدادوں کی تحقیقات کی گئی ہیں، جس میں 38 ارب مالیت کی 867 پراپرٹیز ثابت کی جا سکیں۔
ممبر نے مزید بتایا کہ دبئی میں 316 افراد نے ایمنسٹی اسکیم میں پراپرٹی قانونی بنائی، ایمنسٹی اسکیم میں ایک ارب 20 کروڑ کا ٹیکس ملا۔
