کراچی : انکم ٹیکس گوشوارے جمع کرانے والوں کے لئے اہم خبر آگئی ، فیڈرل بورڈ آف ریونیو (ایف بی آر) نے بڑا اعلان کردیا۔
تفصیلات کے مطابق فیڈرل بورڈ آف ریونیو (ایف بی آر) کے حکام کی جانب سے کہا گیا ہے کہ 14لاکھ 25ہزارافرادنےٹیکس گوشوارے جمع کرادیئے، انکم ٹیکس ریٹرن فائل کرنے کی آخری تاریخ 30 ستمبر ہے۔
حکام نے واضح کیا کہ انکم ٹیکس گوشوارے جمع کرانے کی تاریخ میں توسیع نہیں کی جائے گی، سالانہ 6 لاکھ سے زائد آمدن والے ٹیکس ریٹرن فائل کرنےکے پابند ہیں۔
ایف بی آر نے یہ بھی خبردار کیا نان فائلرزکی سمز،بجلی ،گیس کنکشن منقطع کیاجا سکتا ہے اور وارننگ کےبعدنان فائلرزکےبینک اکاونٹس بھی منجمدکرسکتے ہیں۔
خیال رہے فیڈرل بورڈ آف ریونیو ( ایف بی آر) کو ٹیکس ہدف کے حصول میں ناکامی کا خدشہ ہے ، پہلی سہ ماہی میں ایف بی آر کو 2654 ارب روپے کا ٹیکس جمع کرنا ہے۔
ذرائع نے بتایا ہے کہ ستمبر2024 میں 1190ارب روپےکاٹیکس جمع کرناہوگا، جولائی تاستمبرہدف حاصل نہ ہوا تو آئی ایم ایف منی بجٹ کا مطالبہ کرسکتا ہے۔
