اسلام آباد: فیڈرل بورڈ آف ریونیو کے ممبر حامد عتیق کا کہنا ہے کہ پاک فوج ٹیکس جمع کرانے والا سب سے متحرک ادارہ ہے۔
تفصیلات کے مطابق ممبر ایف بی آر نے کہا ہے کہ فوج میں ٹیکس گوشوارے جمع کرانے کا رجحان بہت زیادہ ہے، اور فوج کا ادارہ اس حوالے سے سب سے زیادہ متحرک ہے۔
آرمی چیف جنرل قمر جاوید باجوہ کا ٹیکس ریٹرن بھی مقررہ تاریخ سے ایک ماہ پہلے آیا۔
ایف بی آر کے آفیشل نے میڈیا سے غیر رسمی گفتگو کرتے ہوئے مزید کہا کہ آرمی چیف جنرل قمر جاوید باجوہ کا ٹیکس ریٹرن بھی مقررہ تاریخ سے ایک ماہ پہلے آیا۔
ایف بی آر ممبر ڈاکٹر حامد کے مطابق برّی افواج سے ماہانہ 39 کروڑ 30 لاکھ روپے کا ٹیکس اکٹھا ہو رہا ہے۔
ڈاکٹر حامد عتیق نے کہا کہ پاک آرمی کا آڈیٹوریم سب سے زیادہ ٹیکس جمع کرا رہا ہے، فوج کی جانب سے ٹیکس نہایت پابندی سے جمع کرایا جاتا ہے۔
یہ بھی پڑھیں: کرتارپور راہداری خطے میں امن کی جانب بڑا قدم ہے، آرمی چیف
ایف بی آر کے ترجمان ڈاکٹر اقبال کا کہنا تھا کہ فوج میں پروموشنز کے سلسلے میں بھی ٹیکس فائلنگ کا اہم ترین کردار ہے۔
