اسلام آباد: وفاق نےصوبوں کو کورونا ویکسین کی نئی کھیپ فراہم کر دی، صوبوں کو سائینو فارم ، کین سائینو،سائینو ویک ویکسین کی11 لاکھ 70 ہزارڈوز فراہم کی گئی۔
تفصیلات کے مطابق وفاق نےصوبوں کو کورونا ویکسین کی نئی کھیپ فراہم کر دی گئیں ، ذرائع نے کہا کہ صوبوں کیلئے کورونا ویکسین بذریعہ پرواز اور سڑک روانہ کیں جبکہ سندھ، بلوچستان کے لیے ویکسین کھیپ بذریعہ پرواز بھجوائی گئی۔
ذرائع وزارت صحت کا کہنا ہے کہ صوبوں کیلئےکورونا ویکسین کولڈ چین کنٹینرز پرروانہ کی گئی، صوبوں کو سائینو فارم ، کین سائینو، سائینو ویک ویکسین کی11 لاکھ 70 ہزارڈوز فراہم کی گئی۔
ذرائع کے مطابق وفاق نے ایک لاکھ سے زائد کورونا ویکسین ڈوز محفوظ رکھنے کا فیصلہ کیا، پنجاب کو6 لاکھ 15 ہزار،سندھ کو2 لاکھ 25 ہزار ڈوز ، خیبرپختونخواکو ویکسین کی ایک لاکھ 30 ہزار، بلوچستان کو 50 ہزارڈوز فراہم کی گئیں۔
اسلام آباد کے محکمہ صحت کو65 ہزار، آزادکشمیر کو 60 ہزار ڈوز اور گلگت بلتستان کو ویکسین کی 25 ہزار ڈوز روانہ کی گئیں۔
یادرہے چند روز قبل چین سے سائینوویک کورونا ویکسین کی5 لاکھ ڈوز پاکستان پہنچی تھی ، چینی کمپنی سےسائینو ویک ویکسین خریدی گئی ہے۔
پاکستان نے چین سے کورونا سائینوویک کے نام سے ویکسین کے لیے خریداری کا معاہدہ کیا ہے، کورونا ویک چینی کمپنی سائینو ویک لائف سائنسز کی تیار کردہ ہے۔
