کراچی: چیئرمین پاک سرزمین پارٹی مصطفیٰ کمال نے کہا ہے کہ وفاق اور سندھ حکومت سمیت سب کراچی سے کچرا اٹھانے میں ناکام ہوگئے ہیں، کرپشن کی وجہ سے مسائل میں دن بدن اضافہ ہوتا جارہا ہے۔
کراچی میں پریس کانفرنس کرتے ہوئے مصطفیٰ کمال نے کہا کہ اس شہر میں کچرا اٹھانا مسئلہ بن کررہ گیاہے، پہلےوفاق پھر صوبائی حکومت سمیت سب فیل ہوگئے، اب توکتے کے کاٹنےکی خبریں بہت زیادہ عام ہوچکی ہیں کتے کاٹےکی ویکسین سرکاری اسپتالوں میں میسرنہیں۔
مصطفیٰ کمال نے کہا کہ پہلےتوکتےکوکھانےمیں زہرملاکردیاکرتےتھےتووہ مرجاتاتھا اب توکتےکے زہرمیں بھی کرپشن ہےجس سےکتےمرنہیں رہے کراچی کےلوگ جب تک خاموش رہیں گےعذاب بڑھتارہےگا عوام سےکہتاہوں ظلم کوخاموشی سےسہنے والا ظالم کاساتھی ہے پاک سرزمین پارٹی آخرتک ظلم کے خلاف کھڑی ہے، ہماراساتھ دیں ہم اس ظلم کی طاقت کوتباہ وبربادکردیں گے۔
انہوں نے کہا کہ نواز شریف کی صحت یابی کےلئے دعا گو ہیں میری دعا ہے شریف خاندان اس آزمائش سے جلد نکلے، وزیر اعظم سے گزارش ہے نوازشریف کو بہترین طبی سہولتیں دی جائیں تمام سیاسی اختلافات بھلا کر نوازشریف کو طبی سہولیات فراہم کی جائیں۔
چیئرمین مصطفیٰ کمال کا کہنا تھا کہ پی ایس پی اس ملک کا مستقبل ہے، بطورسٹی ناظم کئےگئے کاموں کو دنیا یاد رکھتی ہے، یہی وجہ ہےپاک سرزمین پارٹی میں لوگ شامل ہورہےہیں میں میرشمس مینگل کوآج پی ایس پی میں خوش آمدید کہتاہوں یہ2013 کے عام انتخابات میں حصہ لےچکےہیں۔
ان کا مزید کہنا تھا کہ پنجاب سے بہت سارےلوگ پی ایس پی میں شامل ہورہےہیں،آج ملتان میں ہمارازون کھل گیاہے اورکچھ دنوں بعدآپ کوبہت سےلوگوں کی شمولیت کی خبرملےگی۔
