اسلام آباد : وفاقی کابینہ نےبڑے شہروں میں کثیرالمنزلہ عمارتوں کی تعمیرکی منظوری دے دی اور کابینہ کمیٹی نجکاری کے مختلف کمپنیوں کو پرائیوٹائز کرنے کا فیصلہ مؤخر کردیا۔
تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس ہوا، جس میں ملکی سیاسی،معاشی صورتحال کا جائزہ لیاگیا اور کراچی کی صورتحال ،امدادی کاموں پر بریفنگ دی گئی۔
اجلاس میں اسلام آباد اور مارگلہ روڈ پر تجاوزات سےمتعلق بریفنگ مؤخر کردی گئی جبکہ ملک کے بڑےایئرپورٹس آؤٹ سورس کرنے سے متعلق اور کابینہ کی منظوری کے بغیر ہونے والی تعیناتیوں پربریفنگ دی گئی۔
وفاقی کابینہ نے بڑے شہروں میں کثیرالمنزلہ عمارتوں کی تعمیر اور پاکستان پیٹرولیم لمیٹڈ بورڈ آف ڈائریکٹرز کے انتخابات کیلئے ناموں کی منظوری دے دی۔
ذرائع کے مطابق اجلاس میں نیپرا اور اسٹیٹ آف انڈسٹری کی سالانہ رپورٹ پیش کی گئی جبکہ پبلک پرائیویٹ تعمیرات، پیپرا رولز سےمتعلق کابینہ کو بریفنگ دی۔
وفاقی کابینہ گزشتہ ای سی سی اجلاس اور کمیٹی کے گزشتہ اجلاسوں میں ہونے والے دیگر فیصلوں کی توثیق کردی جبکہ کابینہ کمیٹی نجکاری کے مختلف کمپنیوں کو پرائیوٹائز کرنے کا فیصلہ مؤخر کردیا گیا، کمیٹی کے ہاؤس بلڈنگ فنانس کمپنی کو پرائیوٹائز کرنے پر کابینہ میں اعتراض اٹھایا گیا تھا۔
