اسلام آباد : وفاقی کابینہ سے بذریعہ سرکولیشن سمری لگژری اشیاء پر سیلز ٹیکس 25 فیصد بڑھانے کی منظوری کا امکان ہے۔
تفصیلات کے مطابق حکومت نے امپورٹڈ لگژری اشیاء پر سیلز ٹیکس 25 فیصد بڑھانے کی تیاری کرلی ، وفاقی کابینہ سے آج بذریعہ سرکولیشن سمری منظوری کا امکان ہے۔
حکام کا کہنا ہے کہ لگژری آئٹمز پر سیلز ٹیکس بڑھانے سے ایف بی آر کو 4 ماہ میں 15 ارب روپے کی آمدن ہوگی۔
حکام نے کہا ہے کہ سرکولیشن سمری کے ذریعے منظوری لیکر ایف بی آر نوٹیفکیشن جاری کرے گا۔
منظوری کے بعد امپورٹڈ الیکٹرونکس آئٹمز،میک اپ کےسامان ، پالتو جانوروں کی امپورٹڈ خوراک، برانڈڈ شوز، امپورٹڈ برانڈ کے پرس، امپورٹڈ شیمپو، صابن اور لوشن پر سیلز ٹیکس 25 فیصد ہو جائے گا۔
اس کے علاوہ امپورٹڈ برانڈ ہیڈ فونز، آئی پوڈ، اسپیکرز، دراوزوں اور کھڑکیوں ، امپورٹڈ برتن ، باتھ فٹنگز ، امپورٹڈ ٹائلز، سینٹری کے سامان اور فینسی لائٹس پر بھی سیلزٹیکس کی شرح 25 فیصد ہو جائے گی۔
