17.9 C
Ashburn
منگل, مئی 28, 2024
اشتہار

وفاقی کابینہ کی 9 مئی کے واقعات کی سخت الفاظ میں مذمت

اشتہار

حیرت انگیز

اسلام آباد : وفاقی کابینہ نے 9 مئی کے واقعات کی سخت الفاظ میں مذمت کرتے ہوئے متعلقہ قوانین کے تحت ملوث شرپسندوں کیخلاف سخت کارروائی کے فیصلے کی توثیق کردی۔

تفصیلات کے مطابق وزیر اعظم شہباز شریف کی زیر صدارت وفاقی کابینہ کا اجلاس ہوا، اجلاس میں  ملک میں مجموعی سیاسی  صورتحال پر غور کیا گیا۔

ذرائع نے بتایا کہ اجلاس میں9مئی کے شرپسندوں کیخلاف کارروائی سے متعلق بریفنگ دی گئی۔

- Advertisement -

وفاقی کابینہ نے 9 مئی کے واقعات کی سخت الفاظ میں مذمت کرتے ہوئے متعلقہ قوانین کے تحت ملوث شرپسندوں کیخلاف سخت کارروائی کے فیصلے کی توثیق کردی۔

وفاقی کابینہ کے اجلاس میں فوجی عدالتوں کے قیام سے متعلق حتمی فیصلہ متوقع ہے ، آرمی اورآفیشل سیکریٹ ایکٹ کےتحت مقدمات سےمتعلق وزارت دفاع اورقانون بریفنگ دےگی۔

ذرائع کے مطابق وزارت دفاع نے ابتدائی طورپر پانچ فوجی عدالتوں کےقیام کی تجویز دی ہے، ان میں سے تین فوجی عدالتیں راولپنڈی اور دو لاہور میں قائم کی جائیں گے۔ قانون کے مطابق آرمی ایکٹ کے دائرہ کار میں آنے والے کیسز کی حیثیت خصوصی ہوگی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں