27.9 C
Ashburn
بدھ, مئی 22, 2024
اشتہار

رمضان ریلیف پیکج : یوٹیلیٹی اسٹورز سے خریداری کرنے والوں کے لئے اچھی خبر

اشتہار

حیرت انگیز

اسلام آباد : یوٹیلیٹی اسٹورز پر 4.99 ارب روپے کے رمضان ریلیف پیکج کی منظوری دے دی گئی، جس کے بعد بے نظیر انکم سپورٹ پروگرام کےمستحقین کو سب سے زیادہ رعایت ملے گی۔

تفصیلات کے مطابق وفاقی حکومت نے یوٹیلیٹی اسٹورز پر 4.99ارب روپے کے رمضان ریلیف پیکج کی منظوری دے دی۔

دستاویز میں بتایا گیا ہے کہ رمضان ریلیف پیکج کا آغاز20مارچ سے کیا جائے گا، بے نظیر انکم سپورٹ پروگرام کےمستحقین کو سب سے زیادہ رعایت ملے گی۔

- Advertisement -

دستاویز میں کہنا ہے کہ بےنظیر انکم سپورٹ پروگرام کے مستحقین کیلئے1.1 ارب روپے کا پیکج منظور کیا گیا ہے ، رمضان ریلیف پیکج کے تحت 5 بنیادی اشیا پر1.16 ارب روپےکی سبسڈی ملے گی۔

دستاویز کے مطابق رمضان ریلیف پیکج کے تحت مجموعی طور پر19 اشیا پر 3.8 ارب کی سبسڈی ملے گی۔

بی آئی ایس پی مستحقین کو آٹے پر 51.9 روپے فی کلو 83 کروڑ کی سبسڈی دی جائے گی جبکہ چینی پر 30 روپے کلو سبسڈی ملے گی۔

دستاویز میں کہا گیا ہے کہ بی آئی ایس پی مستحقین کو چینی 6 کروڑ روپے کی سبسڈی ملے گی جبکہ گھی پر 100 روپے کلو سبسڈی ملے گی اور گھی پر 20 کروڑ روپے کی سبسڈی دی جائے گی۔

اس کے علاوہ دال چنا پر 20 روپے کلو کے حساب سے 40 لاکھ روپے کی سبسڈی ملے گی اور ٹوٹا چاول پر 20 روپے کلو کے حساب سے 50 لاکھ روپے کی سبسڈی ملے گی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں