The news is by your side.

Advertisement

وفاقی حکومت نے تحریک انصاف سے مذاکرات اور معاہدے کی خبر بے بنیاد قرار دے دی

اسلام آباد : وفاقی حکومت نے تحریک انصاف سے مذاکرات اور معاہدے کی تردید کرتے ہوئے خبر کو بے بنیاد قرار دے دیا، وزیراطلاعات نے کہا پولیس اہلکاروں کو شہید کرنیوالے مسلح جتھے کیساتھ معاہدہ نہیں کیا۔

تفصیلات کے مطابق وزیراطلاعات مریم اورنگزیب نے سماجی رابطے کی ویب سائٹ ٹوئٹر پر حکومت اور تحریک انصاف کے درمیان معاہدے کی خبروں کے حوالے سے کہا کہ وفاقی حکومت اورپی ٹی آئی میں کوئی معاہدہ نہیں ہوا ، حکومت اور تحریک انصاف میں مذاکرات اورمعاہدہ کی خبربے بنیاد ہے، پولیس اہلکاروں کوشہید کرنیوالےمسلح جتھےکیساتھ معاہدہ نہیں کیا گیا۔

خیال رہے تحریک انصاف کاحقیقی آزادی مارچ روکنے کے لیے حکومت کی جانب سے کوششیں جاری ہیں جبکہ اسلام آباد کی جانب حقیقی آزادی مارچ کا کارواں رواں دواں ہے۔

پولیس نے ایکشن لیتے ہوئے بتی چوک میں جمع ہونے والےکارکنوں پر شیلنگ کی اور متعدد گرفتار کرلیا اور ایوان عدل کے باہر وکلاء پر لاٹھی چارج کیا۔

ٹمبر روڈ پر بھی پی ٹی آئی کارکنان اور پولیس آمنے سامنے ہیں جبکہ کالاشاہ کاکوکے قریب بھی پی ٹی آئی قافلے پر شیلنگ کی گئی جبکہ متعدد رہنماؤں کو گرفتار کرلیا۔

Comments

یہ بھی پڑھیں