اسلام آباد : تحریک انصاف کے رہنما شہبازگل کا کہنا ہے کہ میرجعفر میرصادق کا عمران خان پربغاوت کامقدمہ بنانے کا منصوبہ ہیں ، جس کی سزا عمر قید ہے۔
تفصیلات کے مطابق تحریک انصاف کے رہنما شہبازگل نے سماجی رابطے کی ویب سائٹ ٹوئٹر پر اپنے پیغام میں کہا ہے کہ میرجعفر میرصادق عمران خان پربغاوت کا مقدمہ بنانے کا پلان کررہے ہیں ، جس کی سزا عمر قید ہے ، خان سے بڑ اپاکستان کا وفادار اور کون ہے؟
شہبازگل کا کہنا تھا کہ پاکستان کوانتشار کی طرف مت دھکیلیں ، فیصلہ کن طاقت رکھنے والی قوتوں کو چاہیے ان غداروں کو نکیل ڈالیں ، یہ نہ ہوکہ بہت دیر ہو جائے۔
پتہ چلا ہے کہ میر جعفر میر صادق اب عمران خان پر بغاوت کا مقدمہ بنانے کا پلان کر رہے ہیں جس کی سزا عمر قید ہے۔ خان سے بڑا پاکستان کا وفادار اور کون ہے؟ پاکستان کو انتشار کی طرف مت دھکیلں۔فیصلہ کن طاقت رکھنے والی قوتوں کو چاہیے کہ ان غداروں کو نکیل ڈالیں یہ نہ ہو کہ بہت دیر ہو جائے
— Dr. Shahbaz GiLL (@SHABAZGIL) June 2, 2022
خیال رہے پی ٹی آئی چیئرمین عمران خان کیخلاف سنگین مقدمے کیلئے ہنگامی وزارتی اجلاس طلب کرلیا گیا ہے ، ذرائع کا کہنا ہے کہ اجلاس آج شام وزارت داخلہ میں رانا ثنااللہ کی زیر صدارت ہوگا ، جس میں قمرزمان، اعظم نذیر تارڑ،مریم اورنگزیب،ایاز صادق ،اسعدمحمود شریک ہوں گے۔
ذرائع نے بتایا کہ عمران خان کے لانگ مارچ کے حوالے سے رپورٹ کاجائزہ لیا جائے گا جبکہ عمران خان کیخلاف سیکشن 124اے کے تحت کارروائی کے فیصلے کا بھی امکان ہے۔
ذرائع نے کہا ہے کہ سی آرپی کی دفعہ اے124 بغاوت اور وفاق کیخلاف اکسانا،نفرت پھیلانے پر ہے، سی آر پی کی دفعہ اے 124 کے تحت عمر قید کی سزا بھی ہوسکتی ہے۔
