اسلام آباد: وفاق نے مولانا فضل الرحمان کے بھائی ضیا الرحمان کی سندھ حکومت کو دی گئی خدمات واپس لے لیں اور خیبر پختونخواہ حکومت رپورٹ کرنے کی ہدایت کردی۔
تفصیلات کے مطابق مولانا فضل الرحمان کے بھائی کی تقرری کے معاملے پر وفاق نے ضیاالرحمان کی سندھ حکومت کو دی گئی خدمات واپس لے لیں اور ضیاء الرحمان کو خیبر پختونخواہ حکومت رپورٹ کرنے کی ہدایت کردی۔
اس حوالے سے اسٹیبلشمنٹ ڈویژن نے نوٹی فکیشن جاری کر دیا ہے۔
یاد رہے خیبرپختونخوا حکومت نے وفاق سے مولانا فضل الرحمان کے بھائی ضیاء الرحمان کی خدمات واپس مانگی تھیں ، کے پی حکومت نے کہا تھا کہ خیبر پختونخوا میں میں کیڈر افسران کی کمی کا سامنا ہے۔
ضیاء الرحمان کو صوبہ سندھ میں میں ڈیپوٹیشن پر تعینات کیا گیا تھا اور ضیاء الرحمان جان اس وقت کراچی ضلع وسطی کے ڈپٹی کمشنر تعینات ہے۔
ضیاء الرحمان کی خیبرپختونخوا سے سندھ میں تعیناتی پر سیاسی جماعتوں نے شدید احتجاج کیا تھا، ضیاء الرحمن کا تعلق پرونشل مینجمنٹ سروسز خیبرپختونخوا سے ہے۔
سپریم کورٹ نے ڈیپوٹیش پر تعیناتیوں کو چند سال قبل غیر قانونی قرار دیا تھا۔
